Փաստ ինֆո

Ազգի ձայն կուսակցության առաջնորդ Մհեր Արմենիան կեսգիշերին մոտ ուղիղ եթերում հայտարարեց, որ ոտքով քայլելով հասել են Երասխ, գիշերեն այնտեղ։ Շարժումը, որ սկսել են հոկտեմբերի 25-ին, ըստ երգիչ Մեսրոպյանի, մեծ արձագանք է ստացել ազգի կողմից։
Մհեր Արմենիան հիշեցրել է, որ նոյեմբերի յոթին հանրապետության հրապարակում պատրաստվում են հավաքվել ու պահանջել Նիկոլ Փաշինյանին ու գործադիրի հրաժարականը։ Թույլ չեն տալու, որ Նիկոլ Փաշինյանը նոյեմբերի 9-ին մեկինի Սոչի՝ ստորագրելու փաստաթղթեր, որոնք չեն բխելու երկրի շահերից։

Մհեր Արմենիան նախօրեին նաև տեղկացել է, որ «Հայաստան» դաշինքը նոյեմբերի 8-ին Ազատության հրապարակում հանրահավաք է հրավիրել, ծանոթացել հայտարարության տեքստին ու հայտարարել է, որ Ռոբերտ Քոչարյանը չի կարող գալ իշխանության։

«Մենք լսեցինք նրանց հայտարարությունները, իբրև պատրաստվում են վերցնել իշխանությունը։ Ազգի ձայնը հայտարարում է, որ թույլ չի տալու, որ «Հայաստան» դաշինքը և ղեկավար Ռոբերտ Քոչարյանը գա իշխանության, դա բացառվում է»։

Երգիչը նշել է, որ Նիկոլ Փաշինյանը հեռանալու է և դա քննարկման ենթակա չէ, բայց ոչ մի դեպքում Ռոբերտ Քոչարյանը չի կարող գալ իշխանության։

«Մենք բազմիցս լսել ենք, որ առաջին և երրորդ նախագահները հայտարարել են, որ չեն ցանկանում իշխանության գալ, բայց լսել ենք, որ Ռոբերտ Քոչարյանը պատրաստվում է գալ իշխանության, բայց թույլ չենք տալու, չի կարող դա տեղի ունենալ։ Բավական է այն քաղաքական պատմությունները, որ նրանք կերտել են։ Չենք ուզում, որ անցյալը դառնա ներկա, անցյալը պետք է մնա անցյալում, մեքն պետք է նոր պատմություն կերտենք։ Մենք կապ չունենք Ռոբերտ Քոչարյանի հետ, թույլ չենք տալու, որ նա գա իշխանության, ազգովի կվորոշենք, թե ով գա իշխանության։ Հայաստան դաշինքը ԱԺ-ում արդեն ներգրավված է որպես ընդդիմություն, դա իրենց բավական է, իրենց թեկնածուն մինչև օրս չի ընտրվում հանձնաժողովի փոխնախագահ, դա արդեն մեծ բան է ասում»,- նկատել է երգիչը։

Աղբյուր` Փաստինֆո