Փաստ ինֆո

Տարածքային կառավարման և ենթակառուցվածքների նախարար Գնել Սանոսյանը լրագրողների հետ զրույցում հաստատեց, որ Փաշինյան-Ալիև-Պուտին հանդիպման վերաբերյալ քննարկումներ կան, սակայն տեղյակ չէ՝ արդյո՞ք փաստաթղթեր ստորագրվելու են, թե ոչ.

«Այո, մեր վիճակը ցավոտ է, բայց սա է մեր իրականությունը: Մենք հայտնվել ենք այս իրականության մեջ, որի մեջ կարևոր մասնաբաժին ունի խաղաղ ապրելը, ոտքի կանգնելը, տնտեսությունը, բանակը և այլն, դրա մեջ կարևոր դերակատարում ունի նաև մեր սահմանների հստակեցումը, որպեսզի անընդհատ մենք սահմանային վեճ չունենանք, որպեսզի ինչ-որ մեկի մեքենային ինչ-որ մեկը չհարվածի և այլն, դրա համար այդ երևույթից պետք չէ վախենալ: Նույնիսկ, եթե մեկ-երկու տեղով էլ կարող է ինչ-որ ցավոտ բան լինել, ավելի լավ է այդ ցավոտ խնդիրը ֆիքսել, նկատի ունենալ՝ որ սա է մեր սահմանները, քան թե անընդհատ ինչ-որ միջադեպեր ունենանք»,-ասաց Սանոսյանը:

Հարցին՝ ի՞նչ քարտեզներով են հստակեցվելու մեր սահմանները, նախարարը պատասխանեց՝ որ տարբեր քարտեզներ կան, սակայն կարևոր է՝ թե այդ քարտեզներն ինչ իրավական կարգավիճակ ունեն.

«Այսինքն՝ այդ քարտեզները, եթե սովետական տարիների են, պետք է իրավաբանորեն հստակեցված լինեն և բոլորի կողմից ընդունված լինեն, որ հիմք հանդիսանան», - ասաց Գնել Սանոսյանը:

Աղբյուր` Փաստինֆո