Փաստ ինֆո

Մեզ մոտ պետությունը և եկեղեցին անջատ են գործում: Մենք հաշվի ենք առնում այն ցանկությունները, որոնք կան, բայց պետք է զարմանք հայտնեմ, որ Մայրը աթոռը չի առաջարկել դեկտեմբերի 31-ը և հունվարի 1-ը ևս չնշել, որովհետև դրանք բացարձակ եկեղեցական տոներ չեն: Եթե նրանք առաջարկում են ավելացնել եկեղեցական օրերի քանակը, ապա թող նաև կառավարությանը օգնեն և առաջարկեն՝ դրա հետ մեկտեղ չնշել 31-ը և 1-ը, որոնք հոգևոր նշանակություն չունեցող տոներ են: Այս մասին լրագրողների հետ զրույցում ասաց էկոնոմիկայի նախարար Վահան Քերոբյանը՝ արձագանքելով Մայր Աթոռ Սուրբ Էջմիածնի առաջարկին՝ որ ոչ աշխատանքային պահպանվեն նաև հունվարի 5-ը և 7-ը:

Լրագրողի դիտարկմանը, որ այդ դեպքում կառավարությունը թող նման առաջարկով հանդես գա, Քերոբյանն արձագանքեց.

«Մենք առողջ բանականությամբ գործող մարդիկ ենք, հետևաբար մեր աշխատանքում փորձում ենք գտնել ճիշտ բալանսը»,-ասաց նախարարը:

Հարցին՝ այսինքն, եկեղեցի՞ն է անառողջ, նախարարն արձագանքեց. «Ոչ։ Ասում եմ՝ երբ եկեղեցին առաջարկում է ավելացնել հանգստյան օրերի քանակը, իսկ դեկտեմբերի 31-ը, հունվարի 1-ը որևէ հոգևոր նշանակություն չունեն»:

Լրագրողի դիտարկմանը դեկտեմբերի 31-ին, հունվարի 1-ին Ամանոր է նշվում, Քերոբյանն արձագանքեց.

«Չէ ուզում եմ ասել, որ մենք չենք կարող առաջնորդվել միայն հոգևոր տոները նշելով»:

Աղբյուր` Փաստինֆո