Փաստ ինֆո

Հանրային խորհրդի նախկին նախագահ Ստյոպա Սաֆարյանը սադրել է Իգոր Խաչատուրովին: Այս մասին լրագրողների հետ զրույցում ասաց Իգոր Խաչատուրովի ներկայացուցիչ, փաստաբան Անահիտ Սարգսյանը:

Մասնավորապես, Մարդու իրավունքների եվրոպական դատարանի նախադեպային իրավունքի համաձայն՝ արարքի՝ որպես վիրավորանքի որակման համար հաշվի են առնվում մի շարք գործոններ, այդ թվում՝ տուժած անձի նախնական վարքագիծը: Այս պարագայում Իգոր Խաչատուրովի հրապարակումից առաջ Ստյոպա Սաֆարյանն իր ֆեյսբուքյան էջում մեծ գրառում է կատարել, որտեղ Իգոր Խաչատուրովի հորը՝ գեներալ-գնդապետ Յուրի Խաչատուրովին մեղադրել է բազմաթիվ հանցանքների մեջ, զրպարտչական, վիրավորական նյութեր են առկա, որին ի պատասխան Յուրի Խաչատուրովը ասել է իր այդ խոսքերը։

«Այսպես ասած՝ Ստյոպա Սաֆարյանը սադրել է Իգոր Խաչատուրովին, քանի որ մի քանի էջանոց գրառում կատարելիս, Սաֆարյանը կանխատեսում էր, որ դրան պետք է պատասխան հաջորդի, Եվրոպական դատարանն ասում է՝ երբ դատարանը գնահատում է վիրավորանքը, պետք է հաշվի առնի նախնական վարքագիծը և այդ պարագայում հնարավոր է, որ վիրավորանք չորակվի»,-նշեց փաստաբանը։

Բացի այդ՝ օրենսդրական կարգավորումների համաձայն՝ արարքի՝ որպես վիրավորանք որակման համար անհրաժեշտ է, որ անձը դիտավորություն ունենա անձին վիրավորելու, նսեմացնելու, ինչը, ըստ փաստաբանի, այս պարագայում չկա և Իգոր Խաչատուրովը ոչ թե դիտավորություն է ունեցել, այլ իր արձագանքն է եղել, դիրքորոշումը՝ գրառման հետ կապված:

Ինչ վերաբերում է հայցադիմումի վերաբերյալ պատասխանող կողմի՝ դատարանին ներկայացված պատասխանին, ապա դրա նախնական տարբերակում բարձրաձայնվել էր այն հանգամանքը, որ եթե նույնիսկ կա որոշակի չափազանցված խոսք Իգոր Խաչատուրովի կողմից, այն չի կարող վիրավորանք որակվել, քանի որ հանրային շահին առնչվող քննարկում էր։

Պատասխանող կողմը գտնում է, որ հայցվոր Ստյոպա Սաֆարյանը, հանդիսանալով Հանրային խորհրդի նախագահ, պետք է որոշ հարցերի վերաբերյալ իր դիրքորոշումը արտահայտեր, քննարկումներ կազմակերպեր, հասարակության հետ քննարկումներ ունենար, մասնավորապես հայ-թուրքական հարաբերութունների,խաղաղության, բարեկամության հաստատման դիսկուրսի վերաբերյալ, որը նրա կողմից չի արվել, այդ պատճառով Խաչատուրովը նրան որակել է ՝ «թուրք քիրվայի դուսպրծուկ»՝ այսպես ասած թուրքի բարեկամ, ինչը այդքան էլ զարմանալի չէ հաշվի առնելով թե Ստյոպա Սաֆարյանի, թե այս իշխանության որդեգրած քաղաքականությունը։ Բացի այդ ՝ հանրային գործիչները քննադատությունների հանդեպ պետք է հանդուրժող

Աղբյուր` Փաստինֆո