Փաստ ինֆո

Իռլանդական Լոնդոնդերի քաղաքի բնակիչ Ֆիլիպ Լինչը (Philip Lynch) վերադարձել է Բելֆաստի եկեղեցի եւ փորձել է կողոպտել այն առաջիկա պսակադրության հարցերը քահանայի հետ քննարկելուց մի քանի ժամ անց: The Mirror-ը հայտնում է, որ փեսացուն բռնվել է արյան անալիզի շնորհիվ։

Դատարանում հայտնել են, որ գիշերը եկեղեցի է մտել մուգ գույնի հագուստով եւ վիրաբուժական ձեռնոցներով մի տղամարդ։ Երբ մատուռում տագնապի ազդանշանը միացել է, կողոպտիչը փախել է։ Շիչակի ահազանգից հետո մատուռի պահապանն իրականացրել է դեպքի վայրի զննություն և հայտնաբերել բազմաթիվ վնասվածքներ։

Շենքի պատին ամրացված է եղել տանիքը տանող աստիճանը։ Առաջին հարկի պատուհանը վնասված էր։ Ենթադրվում է, որ չարագործը եկեղեցի է մտել բաց պատուհանից։ Տեսադիտարկման խցիկին տանող մետաղալարեր նույնպես վնասված էին։ Ամենայն հավանականությամբ, կողոպտիչը փորձել է անջատել այն։ Դեպքի վայրում հսկիչը նկատել է նաեւ արյան հետքեր։ Վերցված նմուշի վերլուծությունն ավելի ուշ ցույց է տվել, որ շենք է մտել Լինչը։ Տղամարդուն ձերբակալել են, բայց սկզբում նա չի ընդունել մեղքը։

«Նա հայտարարել է, որ հիշում է, թե ինչպես է եղել եկեղեցում այդ օրը, քանի որ հենց նոր նշանադրվել է, եւ հարսնացուի հետ միասին քահանայի հետ քննարկել են առաջիկա պսակադրությունը», — ընդգծել է դատախազը:

Իռլանդացին հայտարարել է, որ եղել է միայն եկեղեցու սրահում եւ չի մտել այլ տարածքներ, ուստի նրա ԴՆԹ-ն չէր կարող լինել ոչ մի տեղ, բացի նստարաններից, որտեղ նրանք նստած էին: Սակայն ավելի ուշ Լինչը խոստովանել է, որ մտադիր է եղել թալանել մատուռը եւ հափշտակել արժեքավոր իրեր: Դատարանին հայտնի չէ, թե հարսնացուն ինչ-որ բան գիտեր գողության մասին, թե ոչ։

Աղբյուր` Փաստինֆո