Փաստ ինֆո

«Զանգվածային լրատվության մասին» օրենքում փոփոխություն կատարելու վերաբերյալ մասնագիտական խմբերի հետ քննարկումներ եղե՞լ են։ ԱԺ «ՔՊ» խմբակցության պատգամավոր Արթուր Հովհաննիսյանին հարցն ուղղեց «Հայաստան» խմբակցության պատգամավոր Գեղամ Մանուկյանը։

Պատգամավորը հետաքրքրվեց՝ արդյոք նախագիծը քննարկվել է օրինակ մեդիանախաձեռնությունների կենտրոնի, Երևանի մամուլի ակումբի, ժուռնալիստների միության հետ։ Արթուր Հովհաննիսյանն ասաց, որ հիշատակվածներից մի քանիսի հետ քննարկումներ չեն եղել, քանի որ պատգամավորի խոսքով չէին էլ կարող լինել։

«Երևանի մամուլի ակումբի ղեկավարի, Խոսքի ազատության պաշտպանության կոմիտեի ղեկավարի և մի շարք այլ գործընկերների հետ քննարկումներ եղել են։ Մենք ունենք Եվրոխորհրդարանի մեր գործընկերների եզրակացությունը, ԵԱՀԿ մեր գործընկերների եզրակացությունը»,-ասաց պատգամավորը։

Գ.Մանուկյանի ճշգրտող հարցին, որ Երեւանի մամուլի ակումբի  նախագահ Բորիս Նավասարդյանի հետ հետ քննարկվել է ու նա դրական  կարծի՞ք է հայտնել՝ զեկուցողը շտապեց հստակեցնել՝ քննարկել են, բայց դա չի նշանակում, որ դարական կարծիք են հայտնել։

Գ.Մանուկյանը հայտարարեց, որ այս օրինագծի տրամաբանությամբ, եթե Վիկիլիքսի հայկական տարբերակ հրապարակվեր, ապա ԶԼՄ-ները փաստորեն չէին կարող օգտվել, քանի որ անանուն է։

Արթուր Հովհաննիսյանը նշեց, որ չեն արգելում լրատվամիջոցին որևէ աղբյուրի վրա հղում կատարել, բայց պատասխանատվությունը կրելու է կոնկրետ ԶԼՄ-ն։

Մանրամասները՝ տեսանյութում

Աղբյուր` Փաստինֆո