Փաստ ինֆո

Հադրութից տեղահանված Գալյա Հայրապետյանը լրագրողների հետ զրույցում հայտարարեց, որ տանը 9 շունչ է պահում պատերազմի ավարտից հետո, սակայն առանց պետության աջակցության։ Վերջինս նշեց, որ երեք հարկանի տունը ու նոր գնած մեքենան իրենց հայրենիքը հանձնելուց հետո մնաց ադրբեջանցիներին ու մինչև օրս փոխհատուցում չի ստացել։ Այսօր ստիպված է ապրել հարևանների ու բարեկամների կողմից տրվող աջակցությամբ։

«Մենք յոթ ամիս աջակցություն չեն ստացել, ոչ մի բան, թեկուզ պառաշոկ, թեկուզ օճառ։ ՄԱԿ-ից եկել են օգնել, որ Աշտարակում տուն վարձենք։ Ամեն ինչ անում եմ, որ երեխեքիս յոլա տանեմ, 9 հատ տուն ենք փոխել։ Հիմա էդքան տուժված, տանջված ենք, հիմա մեզ ինչի չեն ճանաչում, որ մենք բոմժի ապրելակորպով ենք ապրում, ինչի՞ համար չեն ճանաչում, որ փախստական ենք։ 68 հազարները ու 30 հազարները կտրեցին մեզնից։ Հարուստը ի՞նչ ա իմանում, թե քյասիբի փորը ի՞նչ կա։ Որ պառկում են քնելու, չեն ասում, թե էս ղարաբաղցի երեխեքը սովա՞ծ են, տկլո՞ր են։

Հայրապետյանը նշեց, որ ընտանիքում որևէ մեկը չի աշխատում, պահում են չորս թոռներին, հույսը միայն ամուսնու թոշակն է։

«Ֆրանսիայից, Գերմանիայից եկել են, ասում են էդքան փող են ուղարկել, ուր ա էդ փողերը, ո՞վ ա ուտում, որ մենք չենք տեսնում՝ մեր քյոռփեքին յոլա տանենք։ Ինչքան կերել կշտացել են՝ ամոթ»։

Հիշեցնենք, որ Արցախից տեղահանված բնակիչները կրկին հավաքվել են կառավարության շենքի մոտ։ Բողոքի ակցիա են իրականացնում, որին մասնակցելու են տարբեր բնակավայրերից տեղահանված արցախցիներ։ Արդեն շուրջ մեկ տարի պատերազմի հետևանքով բռնի տեղահանվածները չունեն ոչ մշտական բնակության վայր, ոչ էլ կարգավիճակ։

Աղբյուր` Փաստինֆո