Փաստ ինֆո

Աստրախանի շրջանային դատարանի որոշմամբ Ախթուբինսկի բնակչուհի Լիդիա Մեդվեդևային 1 մլն ռուբլի փոխհատուցում է տրվել կորոնավիրուսային վարակից ամուսնու մահվան համար: Դատարանը որոշել է, որ 60-ամյա Սերգեյ Մեդվեդևին բուժել են խախտումներով, որն էլ նրա մահվան պատճառ է դարձել: Այս մասին գրում է Կոմերսանտը։

Ավելի վաղ ՌԴ ՔԿ-ն հրաժարվել էր քրեական գործ հարուցել։ Փաստաբանը կարծում է, որ մյուս դատարանները պետք է հաշվի առնեն այդ որոշումը՝ նմանատիպ հայցերի քննության ժամանակ։

Ախտուբինսկի բնակիչ Սերգեյ Մեդվեդևը 2020 թվականի հունիսի 13-ին դիմել է շրջանային հիվանդանոց ՝ հազի և կրծքավանդակում ցավերի գանգատներով: Ինչպես հետևում է գործի նյութերից, տղամարդը տեղամասային բժիշկ-թերապեւտին հայտնել է կորոնավիրուսային վարակով հիվանդների հետ շփման մասին, սակայն չեն նշանակվել COVID-19-ի անալիզներ։

Դրա փոխարեն տեղամասային բժիշկ-թերապևտը նշանակել է պարացետամոլ և արբիդոլ, նաև խորհուրդ է տվել տնային ռեժիմում բուժում անցնել ու շատ հեղուկ խմել: Մի քանի օր անց Մեդվեդևին այցելել է մեկ այլ բժիշկ, ով կորոնավիրուսային վարակի նմուշներ է վերցրել, նշանակել է КТ-ուսումնասիրություն և թարմացրել դեղերի ցուցակը։ Սերգեյ Մեդվեդևի վիճակը վատացել է, և հունիսի 19-ին շտապօգնությունը նրան տեղափոխել է նույն Ախտուբինսկի շրջանային հիվանդանոցի ինֆեկցիոն բաժանմունք՝ ախտորոշելով սուր շնչառական անբավարարություն, վիճակը գնահատվել է միջին ծանրության, իսկ պացիենտն ունեցել է բարձր ջերմություն և թուլություն։
Հունիսի 22-ին տղամարդը մահացել է սուր շնչառական անբավարարությունից։ Նույն օրը ստացվել են անալիզների արդյունքները՝ հաստատելով, որ պացիենտը վարակված էր COVID-19-ով։

Ամուսնու մահվանից հետո Լիդիա Մեդվեդևան դիմում է գրել քննչական կոմիտե՝ պահանջելով գործ հարուցել անձի կողմից իր մասնագիտական պարտականությունները ոչ պատշաճ կատարելու հետևանքով անզգուշությամբ մահ պատճառելու հոդվածով: Քննիչները բժշկական օգնություն ցուցաբերելու ընթացքում մի շարք թերություններ են հայտնաբերել։

Ախտորոշման փուլում բժիշկները չեն հավաքել հիվանդի քրոնիկական հիվանդությունների մասին տեղեկություններ, չի նշվել զարկերակային հիպերտենզիայի առկայությունը: COVID-19-ի թեստավորումը շատ ուշ է կատարվել: Բժիշկները չեն հետևել հիվանդության դինամիկային ՝ չնայած կորոնավիրուսի կասկածին։

Այնուամենայնիվ, նախաքննական մարմինը կապ չի տեսել այդ թերություններով բուժման և հիվանդի մահվան միջև։ Գործը կարճվել է հանցագործության դեպքի բացակայության պատճառով։ Սակայն տուժածի կինը դիմել է դատարան։ Հայցում նա նշել է, որ բժիշկները բավարար միջոցներ չեն ձեռնարկել ամուսնու կյանքը փրկելու համար։

Կինը պահանջել է Ախթուբայի շրջանային հիվանդանոցից 3 մլն ռուբլի բռնագանձել բարոյական վնասի փոխհատուցման համար, սակայն դատարանը եկել է այն եզրակացության, որ Սերգեյ Մեդվեդեևին ցուցաբերվել է անհրաժեշտ ծավալով բժշկական օգնություն։
Նիստի ընթացքում բժշկական հաստատության ներկայացուցիչները խախտումները բացատրել են «անձնակազմի մեծ ծանրաբեռնվածությամբ և մասնագետների պակասով»: Եվ հուլիսի 20-ին շրջանային դատարանը մերժել է Մեդվեդևային հայցը բավարարելու համար։

Կինը բողոքարկել է Աստրախանի շրջանային դատարանի որոշումը։ Դատավոր Լարիսա Նովակը հայտարարել է, որ չի կարող համաձայնել շրջանային դատարանի եզրակացությունների հետ, քանի որ դրանք հիմնված են նյութական իրավունքի նորմերի սխալ կիրառման վրա և չեն համապատասխանում գործի հանգամանքներին։ Նա Լիդիա Մեդվեդևայինն է ճանաչել բարոյական վնասի փոխհատուցման իրավունքը, սակայն գումարի չափը 3 մլն-ից կրճատել է մինչև 1 մլն ռուբլի:

Աղբյուր` Փաստինֆո