Փաստ ինֆո

Կարո՞ղ էր, արդյոք, տեղի չունենար 44- օրյա պատերազմը... Եթե այո, ապա ե՞րբ, ովքե՞ր և ինչպե՞ս թշնամուն «հրահանգեցին» վերսկսել պատերազմը. Քաղաքական գործիչ Ռուբեն Հակոբյանը ֆեյսբուքի իր էջում տեղեկացնում է, որ այսօրվանից ներկայացնելու է վեց թողարկումներից բաղկացած «ԿԱՊԻՏՈՒԼՅԱՑԻԱՅԻ ՀԱՂԹԱՐՇԱՎԸ» խորագրով հեռուստանախագիծը։

«ՖԲ-յան հարգելի օգտատեր

Այսօրվանից ձեր ուշադրությանն եմ ներկայացնելու վեց թողարկումներից բաղկացած «ԿԱՊԻՏՈՒԼՅԱՑԻԱՅԻ ՀԱՂԹԱՐՇԱՎԸ» խորագրով հեռուստանախագիծը։

Իմ տեսակետն եմ ներկայացնում հետևյալի մասին.

- որո՞նք էին արցախյան ազատամարտի պարտության հիմնական պատճառները,

- ե՞րբ, ինչու՞ և ինչպե՞ս Արցախը դուրս մնաց բանակցային ձևաչափից,

- կարո՞ղ էր, արդյոք, տեղի չունենար 44- օրյա պատերազմը... Եթե այո, ապա ե՞րբ, ովքե՞ր և ինչպե՞ս թշնամուն «հրահանգեցին» վերսկսել պատերազմը,

- բուն պատերազմի ընթացքի, բարձրագույն հրամանատարական կազմի, մասնավորապես, Գերագույն Գլխավոր հրամանատարի գործունեության, վարչապետի տիկնոջ՝ բունկերում հայտնվելու հետևանքների, կապիտուլյացիոն պայմանագրի ստորագրման մասին,

- ե՞րբ, ինչպե՞ս և ովքե՞ր ծնեցին Նիկոլ Փաշինյան երևույթը, կարո՞ղ էր, արդյոք, կանխվեր 2018-ի գարնանը նրա կողմից իշխանության զավթումը։ Եթե այո, ապա...

- և, վերջապես, ինչպես ազատվել Նիկոլ Փաշինյան երևույթից և կասեցնել պետության ամենօրյա գահավիժումը։

Հեռուստանախագծի թողարկումները կտեղադրվեն իմ ՖԲ-յան էջում՝ առաջիկա երկու շաբաթների ընթացքում՝ երկուշաբթի, չորեքշաբթի և ուրբաթ օրերին, ժամը 22.00-ին։

Ցանկացողները կարող են ամբողջական թողարկումը տարածել՝ առանց իմ համաձայնության։
Բարի դիտում»,-գրել է նա։

Աղբյուր` Փաստինֆո