Փաստ ինֆո

Ֆրանսիայի եւ Իսրայելի ներկայացուցիչների գաղտնի հանդիպումը տեղի է ունեցել վերջերս Փարիզում՝ նպատակ ունենալով կարգավորել այն սկանդալը, որը պայմանավորված է բջջային հեռախոսների համար նախատեսված իսրայելական Pegasus տրոյական ծրագրի կիրառմամբ: Այս մասին հայտնել Է ամերիկյան Axios պորտալը։ Նրա տվյալները ուրբաթ հաստատել Է Agence France-Presse-ը՝ ֆրանսիական աղբյուրը, որը մոտ է ֆրանսիացի քաղաքական գործիչների, լրագրողների եւ հասարակական գործիչների հեռախոսների գաղտնալսման գործի հետաքննությանը:

Բերված տվյալների համաձայն՝ իսրայելական կողմը ներկայացնում էր Էյալ Հուլատան՝ ազգային անվտանգության հարցերով խորհրդական եւ հրեական պետության ազգային անվտանգության խորհրդի ղեկավար: Ֆրանսիական կողմից բանակցություններին մասնակցել է Ֆրանսիայի նախագահի խորհրդական Էմանուել Բոնը։

Axios-ի պնդմամբ, Իսրայելի ներկայացուցիչը Ֆրանսիայի վարչակազմին առաջարկել է, որ NSO Group ծրագրային ապահովման մշակող- ընկերությունը, որը վաճառում է օտարերկրյա պետություններին եւ նրանց հատուկ ծառայություններին Pegasus տրոյական լրտեսական ծրագրի շահագործման իրավունքները, ֆրանսիական հեռախոսահամարները մտցնի անձեռնմխելիների ցուցակում:

Այս պայմանը կարող է ներառվել այն պայմանագրերի բովանդակության մեջ, որոնք ընկերությունը ստորագրում է հաճախորդների հետ։ Նման միջոց արդեն ընդունվել է ԱՄՆ-ի եւ Մեծ Բրիտանիայի հեռախոսահամարների նկատմամբ:

Ֆրանսիական կողմի արձագանքն այս առաջարկին անհայտ է, Ելիսեյան պալատը լռություն է պահպանում։ Բացի այդ, և Իսրայելի վարչապետի կաբինետը, և NSO-ն մշակող ընկերությունը ձեռնպահ են մնում այդ թեմայով որևէ հայտարարություններից։ Միեւնույն ժամանակ, Axios կայքը պնդում է, որ Իսրայելի պաշտոնյաները հույս ունեն, որ ճգնաժամը շուտով կկարգավորվի:

Աղբյուր` Փաստինֆո