Փաստ ինֆո

«Առուշ Առուշանյան» դաշինքի շտաբում խուզարկությունը տևել է 3,5 ժամ: Փաստաբան Արմեն Մելքոնյանի խոսքով՝ ոստիկանները խուզարկության արդյունքում ոչինչ չեն գտել, առգրավել են 28 թերթ փաստաթղթեր:

Փաստաբանը շեշտեց, որ խուզարկությունը, ապօրինի էր.

«Երևան քաղաքի ընդհանուր իրավասության առաջին ատյանի դատարանը թույլատրել էր խուզարկություն կատարել ոստիկանության Գորիսի բաժնի աշխատակիցներին, սակայն խուզարկությունը իրականացրեցին ՀՀ Ոստիկանության կոռուպցիայի վարչության ոստիկանները, ինչն օրենքի կոպտագույն խախտում է, քանի որ դատարանը հստակ գրել էր, որ ինքը թույլատրում է, որ խուզարկությունը կատարեն Գորիսի բաժնի աշխատակիցները, բայց խուզարկությունը տեղի ունեցավ այլ անձանց կողմից, որն օրենքի կոպտագույն խախտում է:

Երկրորդ` առգրավեց անձնական բնույթի նամակներ, որի իրավասությունը ոստիկանությունը թույլ չէր տվել: Նամակում այնպիսի տեղեկություն է գրված, որը մեզ շատ ձեռնտու է, գրված է, որ եթե իշխանությունները փող չբաժանեն, Առուշանյանը 100 տոկոսով անցնելու է, բայց նրանք անտեսելով դատարանի որոշումը նամակները առգրավեցին»,- ասաց փաստաբանը և հավելեց, որ այդ ամենն ուղղված էր կազմալուծելու «Առուշ Առուշանյան» դաշինքի շտաբի գործունեությունը:

Աղբյուր` Փաստինֆո