Փաստ ինֆո

Ամերիկյան ժողովրդավարությանը սպառնում է ոչ թե «ռուսաստանյան քարոզչությունը» և հաքերները ՌԴ-ից, այլ ԱՄՆ քաղաքացիների անվստահությունը քաղաքական ինստիտուտների նկատմամբ։ Նման կարծիք է հայտնել ՌԴ ԱԳՆ պաշտոնական ներկայացուցիչ Մարիա Զախարովան։

«Ամերիկյան ժողովրդավարությանը սպառնում են ոչ թե, ինչպես հիմա է մոդայիկ ասել, «ավտորիտար ռեժիմները», այլ սեփական քաղաքացիների անվստահությունն ու նրանց կողմից արպես կեղծիք ընկալումն այն ամենի, ինչ ասում է ԱՄՆ-ի քաղաքական վերնախավը եւ գլոբալ տեղեկատվական ընկերությունները», - գրել է նա իր Telegram-ալիքում:

Զախարովան հիշեցրել է, որ համաձայն հոկտեմբերի 8-ին Չիկագոյի համալսարանին առընթեր Associated Press-ի հասարակայնության հետ կապերի հետազոտությունների կենտրոնի եւ գլոբալ հակամարտությունների ուսումնասիրման եւ լուծման ուղղությամբ Պիրսոնի ինստիտուտի հետազոտությունների, ապատեղեկատվության տարածման համար «պատասխանատու են ոչ թե «կախարդանքների ռուսական ֆաբրիկաները», «RT քարոզչությունը» եւ «չինական կիբեռզորքերը», այլ ամերիկյան քաղաքական գործիչները, IT-կորպորացիաները եւ սոցիալական ցանցերի օգտատերերը»:

«Ընդ որում՝ հարցվածների գրեթե կեսը (ամերիկացիների 48 տոկոսը) համոզված է, որ գիտակցված հրապարակման ապատեղեկատվության համար պատասխանատվությունը կրում է հենց Միացյալ Նահանգների կառավարությունը։ Դա կործանում է ողջ կոնցեպտուալ հիմքը, որի վրա հարմար տեղավորվել է Արևմտյան ռուսատյացությունը։ Կարելի էր ենթադրել, որ հանրապետականների կողմնակիցներն այդպես են գնահատում ներկայիս ժողովրդավարական վարչակազմի հրապարակային քաղաքականությունը, բայց՝ ոչ։ Յուրաքանչյուր երրորդ դեմոկրատ, ինչպես ցույց են տալիս հարցումները, վստահ է, որ Վաշինգտոնը, եթե իրերն իրենց անուններով կոչենք, ստում է», - նշել է Զախարովան։

Աղբյուր` Փաստինֆո