Փաստ ինֆո

Մի շարք հայրենասերների կողմից ստեղծվել է «Հայրենիքի կանչ» համահայկական ազատագրական միությունը, որի նպատակն է լինելու պայքարել հեղափոխության անվան տակ հանդես եկած թշնամիների դեմ ու ոտքի կանգնեցնել հայրենիքը։

«Չպարտված ժողովրդից գաղտնի իրագործվեց խայտառակ կապիտուլյացիա, Արցախի ¾-ը հանձնվեց թշնամուն, մոտ 6000 հայ տղամարդ սպանվեց, 6000 հայ զրկվեց ընտանիքից կամ այն ստեղծվելու հնարավորությունից, մոտ 10.000 հայ դարձավ հաշմանդամ։ Հազարավոր մայրեր ու քույրեր դարձան սևազգեստ, հարյուրավոր հայորդիներ գերության մեջ հայտնվեցին։ 25 հազար հայ դարձավ անօթևան։

Զրոյացվեցին հաղթանակները, եռապատկվեց Եռաբլուրը»։

Ըստ հավաքվածների՝ ՀՀ-ն ունի անորոշ ապագա, հասարակությունը բաժանվել է սևի ու սպիտակի, արտագաղթի ծավալներն ավելացել են ու այս ամենը տեսնելով միության անդամները հայտարարեցին, որ ստեղծվում է «Հայրենիքի կանչ»-ը, որի նպատակն է լինելու ազատագրել ՀՀ-ն՝ այն զավթած թրքասեր իշխանություններից ու նրանց «ծնունդ տված և ծածուկ սատարող կեղծ ընդդիմությունից»։

Պատրաստվում են այդ քայլից հետո ապահովել նոր ու արդար ընտրություններ։

Միության հիմնադիրներն են «Հայ Ազատմարտի Խորհուրդ» նախաձեռնության ղեկավար Պավել Մանուկյանը, «Ադոնայի» իրավապաշտպան կազմակերպության ղեկավար Արտակ Գալստյանը, «Սև Հովազ» ռազմահայրենասիրական ՀԿ-ի անդամ Սերոբ Գասպարյանը, «Հետախույզ Վետերանների Միավորման» անդամ Սուրեն Կարապետյանը, «Ազատամարտի նվիրյալ մարտիկներ» ռազմահայրենասիրական ՀԿ անդամ Արթուր Հովհաննիսյանը, «Տաղանդավոր Սերունդ» ՀԿ անդամ Միքայել Մարգարյանը։

Նախաձեռնության հիմնադիրները ստորագրեցին միություն ստեղծելու հայտարարություն՝ ստանձնելով պարտավորություն՝ ողջ ուժով նվիրվել գործին։

Աղբյուր` Փաստինֆո