Փաստ ինֆո

Հայաստանի իշխանությունները չեն ցանկանում անել որևէ արտահայտություն կամ գործողություն, որը կարող է Ադրբեջանի նախագահի դուրը չգալ, այդ պատճառով էլ խուսափում են օգտագործել Հայաստանի օկուպացրած տարածքներ արտահայտությունը: Բացի դա, եթե ընդունեն, որ այդ տարածքներն օկուպացված է Ադրբեջանի կողմից, նշանակում է, որ դրանք հայկական տարածքներ են և իրենց օրոք հայկական տարածքներն անցել են Ադրբեջանին:

«Փաստինֆո»-ի հետ զրույցում ասաց քաղտեխնոլոգ Արմեն Բադալյանը:

Նկատենք, որ երեկ խորհրդարանում Կառավարության հետ հարցուպատասխանի ժամանակ Նիկոլ Փաշինյանը, չնայած ընդդիմադիր պատգամավորների պնդումներին, այդպես էլ խուսափեց պատերազմից հետո Ադրբեջանի վերահսկողության տակ անցած տարածքների դեպքում օգտագործել «օկուպացված տարածքներ» արտահայտությունը՝ հիմնավորելով, թե հայկական կողմն իր արտահայտություններում պետք է զգույշ լինի, որպեսզի չվնասի բանակցային գործընթացին:

Նկատենք, որ մինչ պատերազմը, երբ բանակցությունների միջոցով փորձ էր արվում լուծել Արցախի հիմնախնդիրը, Նիկոլ Փաշինյանի կառավարությունը նույնքան զգոն չէր իր ձեւակերպումներում եւ թույլ էին տալիս տարակուսելի և իրարամերժ հայտարարություններն, որոնք ոչ միայն վնասում էին բանակցային գործընթացին, այլ Հայաստանը միջազգային հանրության շրջանում դարձնում էին անվստահելի երկիր: Մեկ հայտարարում էին, թե Արցախը Հայաստան է ու վերջ՝ չնայած բանակցություններին, մեկ պնդում, թե նոր տարածքներ կգրավեն, մեկ էլ, թե՝ բանակցությունները 0 կետից են սկսում՝ առանց Մինսկի խմբի համանախագահների հետ համաձայնեցնելու։

Ըստ քաղտեխնոլոգի՝ Նիկոլ Փաշինյանը երբեք էլ չի մտածել բանակցային գործընթացի մասին, նրան ընդամենը տվյալ պահին պետք է եղել անել որևէ պոպուլիստական հայտարարություն, որը դուր կգար հանրությանը.

«Այս ժամանակ իրեն պետք էր, այդպես էր ասում: Հիմա պարտվել է, խնդիրներ կան Ադրբեջանի հետ, հիմա ուրիշ բան է ասում: Դա նորություն չի, Հայաստանի իշխանություննները տվյալ պահին ինչ անհրաժեշտ է, ասում են, առանց մտածելով, որ դա կարող է վնաս լինել Հայաստանի համար: Նիկոլ Փաշինյանն այդ ժամանակ ցանկանում էր պոպուլիստական արտահայտություններ անել,նա ցանկանում էր ցույց տալ, որ Արցախի ողջ տարածքը համարում է հայկական, քանի որ արցախցիները դա էին ցանկանում լսել: Հանրահավաք էր հրավիրվել, իսկ հանրահավաքի մասնակիցները ցանկանում էին դրական լուր լսել, իսկ այդ լուրն էլ ինքը ասել:

Ինքը չի մտածում, որ կարող է վնասել Հայաստանին: Եթե նա մտածեր բանակցություններին չվնասելու մասին, նա ոչ թե հայտարարություններում զգույշ կլիներ, այլ՝ բանակը կհզորացներ: Իսկ հիմա մենք հակառակ գործընթացն են տեսնում՝ տեսնում ենք բռնաճնշումներ ընդդիմադիրների նկատմամբ, տեսնում ենք ուժեղ արտագաղթ, տնտեսական վատ վիճակ, բանակի լուծարման գործընթաց, իսկ նման ձևով բանսարկություններում դիրքեր չես ամրապնդում»,-ասաց Արմեն Բադալյանը:

Աղբյուր` Փաստինֆո