Փաստ ինֆո

Քաղաքագետ Բենիամին Մաթևոսյանը «Փաշինյանի հերթական ստի կարճ կյանքը» խորագրով վերլուծություն է ներկայացրել տելեգրամյան իր ալիքում՝ անդրադառնալով Հայաստանի օդային տարածքով ադրբեջանական չվերթներին:

Քաղաքագետը մասնավորապես ընդգծել է այն վտանգները, որոնք կարող են սպառնալ մեր երկրի անվտանգությանը այդ չվերթների դեպքում.

« 04. 10. 2021: Նիկոլ Փաշինյան. «Հայաստանը երբեք չի ներգրավվել և չի ներգրավվի Իրանի դեմ որևէ դավադրության մեջ»:

05. 10. 2021: Իրանը փակեց երկինքը Ադրբեջանից Նախիջևան ռազմական մատակարարումների համար:

06. 10. 2021: Ադրբեջանական ավիաուղիները սկսել են թռիչքները Հայաստանի տարածքով դեպի Նախիջևան:

Մի կողմ թողնենք այն փաստը, որ Նիկոլ Փաշինյանը պարզապես «ատամիկ» է Իրանի և Ռուսաստանի դեմ մեծ խաղում, ես կցանկանայի տալ հետևյալ հարցը. Կարո՞ղ է Հայաստանի ղեկավարությունը որևէ կերպ վերահսկել, թե պաշտոնական Բաքուն ի՞նչ է տեղափոխելու իր տարածքով Նախիջևան:

Իհարկե, հակաօդային պաշտպանության ռադարները կարող են տարբերել ռազմական ինքնաթիռը քաղաքացիական օդանավից:

Նույն հակաօդային պաշտպանության և այլ ծառայությունները կարո՞ղ են վստահաբար ասել, որ 7,62 մմ տրամաչափի փամփուշտները Նախիջևան չեն տեղափոխվի «Ադրբեջանական ավիաուղիներ», «Էյրբասներ» և «Բոինգներ» օդանավերով: Ավելի մեծ ներթափանցման փամփուշտներ ևս չեն տեղափոխվի, իսկ հետո նույն փամփուշտները չե՞ն օգտագործվի Երասխի դիրքերում հայ զինվորականների դեմ:

Դուք երբևէ տեսե՞լ եք մեկ այլ կառավարություն, որը հնարավորություն է ստեղծում իր թշնամու համար սեփական պետության տարածքով ապրանքներ տեղափոխել, որոնք հետագայում կարող են օգտագործվել սեփական բանակի դեմ»,-իր վերլուծության մեջ գրել է քաղաքագետը:

Աղբյուր` Փաստինֆո