Փաստ ինֆո

Իշխանությունը հերթական անգամ մերժել է Սյունիքում ստեղծված իրավիճակի վերաբերյալ քննարկում կազմակերպելու ընդդիմության նախաձեռնությունը:

«Հայաստան» խմբակցության պատգամավոր Արթուր Ղազինյանի խոսքով՝ երեկ պետք է ԱԺ պաշտպանության և անվտանգության հարցերի հանձնաժողովի արտահերթարտահերթ նիստ կայանար, որին պետք է կմասնակցեին ԱԱԾ պետը, ԳՇ պետը, ԱԳ նախարարը, ՊՆ նախարարը և Գլխավոր դատախազ և պարզաբանումներ ներկայացնեին Սյունիքում տիրող իրավիճակի վերաբերյալ, սակայն իշխանական պատգամավորները և պաշտոնյաները այդպես էլ չեն ներկայացել, իսկ քննարկումը չի կայացել.

«Մենք ներկայացրել էինք հստակ ժամկետ և կոնկրետ խնդիրներ, որոնց վերաբերյալ քննարկում պետք է տեղի ունենար:

Օրակարգը վերաբերվում էր Հայաստանի հարավարևելյան սահմանին տիրող իրավիճակին նաև անհրաժեշտ էր ԱԱԾ պետի, ԳՇ պետի, ԱԳ նախարարի, ՊՆ նախարարի, Գլխավոր դատախազի ներկայությունը հանձնաժողովում, որպեսզի պարզաբանումներ ներկայացնեն՝ Սյունիքում տիրող իրադարձությունների, դրա պատճառահետևանքային կապի և ռազմաքաղաքական պատճառների մասին:

Մենք ժամը 13.00-ին ներկայացանք նիստերի դահլիճ, դուռը փակ էր և հանձնաժողովի նիստը: 20 րոպե հետո մենք ստանում ենք գրություն, որ ինչ-որ որոշման նախագիծ պետք է, մինչդեռ, ըստ օրենքի, այն օրակարգը որը մենք ներկայացրել ենք, որոշման նախագիծ չէր ներկայացնում:Դա ընդամենը հուսահատ փորձ էր արդարացնելու կանոնակարգ օրենքի պահանջի խախտումը»,-ասաց «Հայաստան» խմբակցության պատգամավոր Արթուր Ղազինյանը և նշեց, որ  առաջակիայում ևս մեկ պահանջ կներկայացնեն՝ նույն օրակարգով քննարկում կազմակերպելու համար:

Հիշեցնենք, որ տևական ժամանակ է ընդդիմադիր «Հայաստան» խմբակցությունը պահանջում է Սյունիքի հարցով խորհրդարանում քննարկում կազմակերպել, որին կմասնակցեն ԱԱԾ պետի, ԳՇ պետի, ԱԳ նախարարի, ՊՆ նախարարի, Գլխավոր դատախազ:

Աղբյուր` Փաստինֆո