Փաստ ինֆո

Հայաստանի կառավարությունը փակուղի է մտցրել բանակցությունների գործընթացը՝ իրարամերժ հայտարարություններ անելով։ Այսօր մամուլի ասուլիսի ժամանակ ասաց ՀՀ երկրորդ նախագահ, «Հայաստան» դաշինքի ղեկավար Ռոբերտ Քոչարյանը։

Վերջինս նկատեց՝ երեք տարում երեք տարբեր մոտեցում որդեգրելով՝ առաջացրել են Մինսկի խմբի անվստահությունը Հայաստանի նկատմամբ։

«Ձևավորվել է կարծիք, որ շուստրիության տարբերակով փորձում ենք խուսափել առարկայական բանակցային գործընթացից։ Տարբեր քրեական գործերով վարկաբեկել ենք բանակը, հասարակությունը բաժանել ենք սևերի ու սպիտակների և ցույց ենք տվել, որ կառավարման տեսանկյունից քաոտիկ, ոչ սիստեմի բերող կառավարություն է գործում Հայաստանում։ Պատերազմի ժամանակ նման կառավարման ոճն ուղղակի մահացու է երկրի համար։ Փչացրել ենք հարաբերությունները Ռուսաստանի, ՀԱՊԿ-ի հետ և հասկանալի էր, որ ՀԱՊԿ-ը որպես միավոր, որևէ ակտիվ մասնակցություն այս ամեն ինչի մեջ չի ունենալու»,-ասաց Ռոբերտ Քոչարյանը։

ՀՀ երկրորդ նախագահի խոսքով Ադարբեջանն ուշադիր հետևում էր այս ամենին, և նրանք գնահատեցին, որ ավելի բարենպաստ պայմաններ չեն ունենալու, իսկ պատերազմի արդյունքների հետ կապված ռիսկերն իրենց համար նվազագույնն են։ Ռոբերտ Քոչարյանի կարծիքով այդ սխալների պատճառով հայտնվեցինք մեկուսացման մեջ, և ոչ մի երկիր Ադրբեջանին չդատապարտեց պատերազմ սկսելու համար։

«Տպավորությունն այնպիսինն էր, որ մենք արտգործնախարարություն ընդհանրապես չունենք, չնայած ունենք փորձառու դիվանագետներ, իսկ որպես կառույց ուղղակի գոյություն չունի։ Ամեն ինչ արվել է Թուրքիան գրավելու համար։ Այն թեզը, որ հնչեցվել է պաշտպանության նախարարի կողմից՝ «նոր պատերազմ, նոր տարածքներ», Ադրբեջանի համար այլընտրանք չէր թողնում։ Ռիսկերը նվազեցնելու համար Թուրքիայի գիրկն ընկան»,-նշեց Ռոբերտ Քոչարյանը։

Աղբյուր` Փաստինֆո