Փաստ ինֆո

Հայաստանի քաղաքացիները կտրականապես դեմ են Թուրքիայի նախապայմաններն ընդունելու գնով Հայաստան-Թուրքիա հարաբերությունների կարգավորմանը:

«Փաստինֆո»-ն այսօր հարցում է իրականացրել քաղաքացիների շրջանում՝ պարզելու նրանց տեսակետը հայ-թուրքական հարաբերությունների կարգավորման վերաբերյալ: Հիշեցնենք, որ պատերազմից հետո իշխանության ներկայացուցիչներն ամեն առիթով հայտարարում են, որ պետք է վերականգնել հարաբերությունները Թուրքիայի հետ՝ տարածաշրջանում խաղաղություն հաստատելու նպատակով:

Ընդգծենք նաև, որ Թուրքիան մշտապես նախապայմաններ է դրել Հայաստանի առջև՝ սահմանների բացման և հարաբերությունների կարգավորման համար՝ Ցեղասպանության հարցից հրաժարում, Արցախի հարցի՝ Թուրքիային և Ադրբեջանին ձեռնտու եղանակով լուծում, Թուրքիայի տարածքային ամբողջականության ճանաչում:

Այս նախապայմաններին ավելացել է չորրորդը՝ Սյունիքով միջանցքի տրամադրում Ադրբեջանին:

Այսպիսով «Փաստինֆո»-ի հարցման արդյունքներն արձանագրում են, որ Հայաստանի քաղաքացիները դեմ են Թուրքիայի նախապայմաններն ընդունելու գնով հարաբերությունների կարգավորմանը.

«Դեմ եմ իշխանությունների վարած թուրքամետ քաղաքականությանը: Խաղաղությունը պետք է պատվաբեր լինի, ոչ թե՝ հակառակը»,-ասաց քաղաքացիներին մեկը.
«Թուրքերի հետ ինչ հարաբերություններ հաստատեն,ինչի համար, թուրքը մնում է թուրք, ես այդ կարծիքին եմ»:

Քաղաքացիները չողջունեցին նաև իշխանության ներկայացուցիչների հայտարարությունները՝ հակառակորդների հետ հարաբերությունների կարգավորման վերաբերյալ.

«Ես այս իշխանություններին չեմ ընդունում, նրանք ինչ անում են, անում են ի վնաս Հայաստանի, ես իրենց ասածները չեմ լսում, Նիկոլն էլ դավաճան է»։

Աղբյուր` Փաստինֆո