Փաստ ինֆո

Դատական իշխանությունը կատարյալ չէ, ինչպես կատարյալ չեն իշխանության մյուս ճյուղերը: Այս մասին լրագրողների հետ զրույցում ասաց դատավոր Մխիթար Պապոյանը:

Դիտարկմանը, որ իշխանություն ունի անցանկալի դատավորների ցանկ, ցանկանում է վեթթինգի միջոցով ազատվել նրանցից, արդյո՞ք մտավախություն չունի, որ ոչ ցանկալի դատավորների ցանկում ինքը ևս կա, Մխիթար Պապոյանն արձագանքեց

«Ես չհասկացա՝ այդ վեթթիգն ասվածն ինչ է, ինչ է լինելու:

Ես բացարձակ որևէ բանի մտավախություն չունեմ, այդ թվում՝ աշխատանքը կորցնելու մտավախություն չունեմ:Ինչ վերաբերում է անցանկալի դատավորների ցանկին, ապա տարիներ շարունակ տարբեր դատավորների մասին տարբեր խոսակցություններ են գնում, ուզում եմ հասկանալ՝ որտեղից է գալիս այն տեղեկությունը, թե այս կամ այն դատավորն իրեն ինչպես է դրսևորել: Եթե դա օպերատիվ տեղեկություն է, ինչու՞ օպերատիվ մարմինը հետևողականորեն չի աշխատում և իր աշխատանքը չի կատարում: Իսկ եթե դրանք ասեկոսեների արդյունք են, ապա ասեկոսեների հիման վրա դատավորներին գնահատական տալը սխալ է»,-ասաց Մխիթար Պապոյանը և նշեց, որ արդեն երեք տարի է՝ինչ գործադիր և օրենսդիր մարմինները հայտարարում են դատական համակարգում վեթթինգ իրականացնելու անհրաժեշտության մասին.

«Ես կուզենամ, եթե դա իրականություն է , անպայման բացահայտվի և բոլոր այն անձինք, որոնք ինչ-որ սխալ են թույլ տվել, պատասխանատվության ենթարկեն»,-ասաց դատավորը:

Մանրամասները՝ տեսանյութում։

Աղբյուր` Փաստինֆո