Փաստ ինֆո

Արմեն Չարչյանի առողջական վիճակն այնքանով է ինձ մտահոգում, որ պարոն Չարչյանը համարյա ժամեր չի անցկացրել խցում, նա իր ազատազրկումն անցկացրել է բժշկական հսկողության ներքո: Այս մասին կառավարության նիստից հետո հայտարարեց Արդարադատության նախարար Կարեն Անդրեասյանը:

Իսկ թե ինչո՞ւ նախարարն անձամբ չի այցելում Արմեն Չարչյանին և ծանոթանում նրա առողջական վիճակին, նախարարը մեկնաբանեց, որ քաղաքական ընտրությամբ որևէ մեկին այցելելը կլիներ շատ խտրական.

«Առաջին իսկ օրվանից ես հատուկ հոգածությամբ վերաբերվել եմ ոչ միայն Արման Չարչյանին, այլ բոլոր այն ազատազրկվածներին, որոնք առողջական խնդիրներ են ունեցել: Իսկ Արմեն Չարչյանը, հաշվի առնելով նաև նրա քաղաքական թիմի մտահոգությունը, ունի առանձնահատուկ ուշադրություն թե՛ հասարակության, թե՛ բժշկական հաստատությունների կոմից, թե՛ կալանավայրում:

Մեր հոգատարությունը Արմեն Չարչյանի նկատմամբ եղել է բացառիկ: Ես ամենօրյա ռեժիմով ստացել եմ զեկուցումներ նրա առողջական վիճակի վերաբերյալ, ամեն ինչ արել ենք օրինականությամբ, և հիմա, ըստ վերջին զեկուցումների, պարոն Չարչյանի առողջությանը որևէ վտանգ չի սպառնում։ Երաշխավորում եմ, որ պարոն Չարչյանը ստանում է սահմանադրությամբ, օրենքներով, միջազգային նորմերով սահմանված ամբողջ ուշադրությունը պետության կողմից»,-ասաց Կարեն Անդրեասյանը։

Ի դեպ, նշենք, որ Կ. Անդրեսայանը կեղծել է փաստական տվյալները՝ Ա. Չարչյանն անգամ ցանկության դեպքում չէր կարող ազատազրկումն անցկացնել ՔԿՀ-ում, քանի որ նա չի ազատազրկվել, քրեական գործով դատավճիռ չկա։ Նրան կալանավորել են մինչդատական վարույթի շրջանակներում, որի տարբերությունը նախարարը պետք է, որ իմանար։

Աղբյուր` Փաստինֆո