Փաստ ինֆո

Սեպտեմբերի 27-ին տեռորիստական Թուրքիան և Ադրբեջանը ուղղակի ողողեցին տեղեկատվական դաշտը, այսպես կոչված "դրական ազդակներով"֊made in turkey: Այս մասին ֆեյսբուքում գրել է ԲՀԿ-ական նախկին պատգամավոր Արման Աբովյանը.

«Ես չեմ թվարկի բոլոր հակահայկական անասունությունները, որոնք արտաբերեցին Ալիևը և թուրքերի ԱԳՆ ղեկավար Չավուշօղլուն, սակայն երկու դրվագի վրա կարծում եմ պետք է ուշադրություն դարձնել։

Հայաստանի հետ հարաբերությունները կարգավորելու ծրագիր դեռ չունի (սուտ), ցանկացած որոշում կկայացվի Ադրբեջանի հետ համատեղ (իրականություն). Թուրքիայի ԱԳՆ-ի ղեկավար Մեվլյութ Չավուշօղլու։

Փաստորեն մենք ունենք մի իրավիճակ, երբ թուրքերը կրկին վերահաստատում են, որ ոչ մի հարաբերությունների մասին հայերի հետ խոսել չեն պատրաստվում, առանց նախապայմանների։ Հիշեցնենք, որ խոսքը գնում է Սյունիքով Ադրբեջանը և Թուրքիան միավորող ճանապարհի (միջանցքի) մասին և Հայաստանը պետք է պարտավորվի ընդունել անվերապահորեն 44-օրյա պատերազմի հետևանքները, այսինքն՝ հնազանդ ընդունի Արցախի և Հայաստանի ինքնիշխան տարածքների օկուպացիան և նախապատրաստվի նոր տարածքային զիջումների թե՛ Արցախի, թե՛ Հայաստանի ինքնիշխան տարածների հաշվին։

Երկրորդ՝ նոր "ազդակը", հնչեցրեց քոչվոր ցեղերի առաջնորդ Իլհամ Ալիևը, ով բառացի ասաց, որ Հայաստանը պետք է փոխի իր Սահմանադրությունը, եթե ուզում է Թուրքիայի հետ հարաբերություններ ունենալ։ Հնն, լա՞վ եք։ Ալիևը հնչեցրեց թուրքերի առանցքային նախապայմանը, քանզի մեր սահմանադրության մեջ ամրագրված են դրույթներ,որոնք ըստ երևույթը թուրքերի "սրտով չեն" ։

Հասկացաք չէ՞, որ հենց սկսվեց առարկայական քննարկումներ թուրքերի հետ, ուրեմն կարող ենք համարել, որ հայկական կողմը այդ նախապայմանները գլուխը կախ ընդունել է։
Հ․Գ․

Կարծում եմ, որ Հայաստանի ներկայիս իշխանությունները, այնուամենայնիվ, ուղղակի կամ աննուղղակի երկխոսության մեջ են թուրքերի հետ,հետո ժամանակը ցույց կտա։
Եվ այն տարածաշրջանային զարգացումները, որոնք այժմ գոյություն ունեն մեր մասով՝ իրականում ոչ մի լավ բանի չեն տանում»,-գրել է Աբովյանը։

Աղբյուր` Փաստինֆո