Փաստ ինֆո

«Որպես գիտակից մարդ հասկանում եմ, որ դա նորմալ երևույթ չէ, փող աշխատելու ձև է»․ Առողջապահության նախարարության դիմաց բողոքի ակցիա է։ Տարբեր մասնագիտությունների տեր մարդիկ առողջապահության նախարարից պահանջում են անվավեր ճանաչել հրամանը, ըստ որի հոկտեմբերի 1-ին բոլոր աշխատակիցները կամ պետք է պատվաստվեն կորոնավիրուսի դեմ, կամ ամսական երկու անգամ ՊՇՌ թեստ հանձնեն:

«Օրինակ սովորական ասպիրինից մեկ տարի ստամոքսի ցավ ունեի, բա այս անհասկանալի քիմիական չփորձարկված լուծույթը ինչ կանի։ Քի՞չ ենք մենք զոհեր տվել։ Ես ինքս վարակվել եմ Քովիդով, ո՞վ իրավունք ունի ինձ պարտադրի պատվաստվել։ Հայաստանում կա՞ լաբորատորյա, որ ստուգի՝ ինչից է բաղկացած պատվաստանյութը։ Մարդկանց հիվանդության պատմությունը չեն հետազոտում, առողջական վիճակը չեն ուսումնասիրում՝ գնացեք կռոլիկի պես պատվաստվեք ու ոչ ոք պատասխանատվություն չի կրում արտադրած դեղամիջոցների համար»,- հայտնեց բողոքի ակցիայի մասնակիցներից մեկը։

Դիտարկմանը, որ եթե չեն ցանկանում պատվաստվել, կարող են ամսական երկու անգամ ՊՇՌ թեստ հանձնել, քաղաքացին պնդեց, թե ամեն վայրկյան կարող է հիվանդանալ թեստի բացասական լինելու դեպքում։

«Դա մարդկանց ձեռք առնելու միջոց է։ Եթե ես պատվաստվում եմ, ինչ երաշխիք կա, որ բացասականի դեպքում հաջորդ օրը մետրոյում կամ տրանսպորտում չեմ հիվանդանա։ Կապիկություն եմ համարում, անտրամաբանական է՝ փող աշխատելու ձև է»,- հայտնեց քաղաքացին։

Աղբյուր` Փաստինֆո