Փաստ ինֆո

«Հայաստան» խմբակցության պատգամավոր Արթուր Ղազինյանն արդեն 5-րդ անգամ չընտրվեց Պաշտպանության և անվտանգության հարցերի հանձնաժողովի փոխնախագահ։ Առաջիկա մեկ ամսվա ընթացքում, եթե ընդդիմության թեկնածուն երկու անգամ ևս չընտրվի, իշխող Քաղաքացիական պայմանագիրը հանդես կգա օրենսդրական առաջարկով՝ առաջարկելու ընդդիմությանը նոր թենածու առաջադրել։

«Հայաստան» խմբակցության պատգամավոր Արթուր Ղազինյանը լրագրողների հետ զրույցում հայտնեց, որ իշխանութունը ընդդիմությանը չի կարող պարտադրել։

«Իշխանությունը ոչ մի բարոյական իրավունք չունի պարտադրելու ընդդիմության վարքագիծը, իրավունք չունի ասելու՝ այս թեկնածուին չենք սիրում, կամ սիրում ենք, ընդունում ենք կամ չենք ընդունում։ Իրենք պարտավոր են հարգել ընդդիմության որոշումն ու կատարել իրենց քվերկությունը։ Երկրորդը՝ հրաժարվել, նշանակում է այդ դիրքը հանձնել իշխանությանը։ Ուստի ընդդիմությունը չի կարող ենթարկվել Անդրանիկ Քոչարյանի պահանջին, փոխել թեկնածուին և նախագահի տեղակալի կարգավիճակը հանձել իշխանությանը»։

Ղազինյանը նաև մանրամասնեց, որ խմբակցության որոշելիքն է լինելու՝ նորից կառաջադրեն իր թեկնածությունը, թե ոչ։ Ղազինյանը՝ անդրադառնալով հարցին, թե որն է պատճառը, որ իր թեկնածությունը չի ընդունվում, պատգամավորը նշեց, որ վերջին երկու նիստերին երկու մահացու վտանգավոր օրակարգեր է առաջ քաշել, որոնք վերաբերում են պատերազմին, այն հարցին, որ հնարավոր էր հոկտեմբերի 7-ին կանգնեցնել պատերազմը՝ ուստի մեղավորները պետք է պատժվեն։

«Պարոն Քոչարյանը պետք է որակի այն սուբեկտին, որի անգործության կամ գործողության հետևանքով զոհվում է 3600 մարդ, և նաև որակի, թե ինչպես կանվանի այն մարդուն, որը նույն սպանված մարդկանց գերեզմանին գնում, չոքում է։ Ինքը սիրում է այդ որակումը տալ իր ղեկավարի հասցեին»,- ասաց Ղազինյանը։

Պատգամավորը նշեց՝ քննիչ-հանձնաժողովը իրավունք չունի ղեկավարել Անդրանիկ Քոչարյանը։ Իսկ փոխնախագահի պաշտոնը զբաղեցնելը սկզբունային չի համարում, կարծում է անգամ, որ դա պաշտոն չէ։

«Եթե հանձնաժողովի փոխնախագահ դառնալը սկզբունքային լիներ, ես այդ հարցն այլ ձևով կլուծեի։ Իշխանության վարքագծը ստիպեց ընդդիմությանը մնալ կոշտ դիրքերում։ Իրենք սրա համար կրում են քաղաքական պատասխանատվություն, հանձնաժողովն անգործունակ է, դիսֆունկցիոնալ վիճակում է գտնվում»։

Արթուր Ղազինյանը նաև հավելեց, որ այսօրվա իր առաջարկությունը հետաքրքրում է յուրաքանչյուր հայի՝ կան անպատասխան հարցեր։ Ավելի կոմպետենտ մարմին, քան այս հանձնաժողովն է՝ այդ պատասխաները գտնելու համար, պետք է լինի դատախազությունը և քննչական մարմինները, որոնք, ըստ պատգամավորի պետք է հարուցեն քրեական գործեր։ Այդ առաջարկը հանձնաժողովում ևս մեժվեց։

«Նույն պարոն Քոչարյանը ստիպված էր լինելու գալ այդ ենթահանձնաժողով, ներկայանալ, տալ տեղեկատվություն, խելոք հարցերին պատասխանել, որովհետև ինքն այդ ժամանակ ՀՀ-ում հանդիսացել է ռազմաքաղաքական ղեկավարության բարձրագույն ներկայացուցիչ՝ լինելով 7-րդ գումարման ԱԺ պաշտպանության և անվտանգության հարցերի մշտական հանձնաժողովի նախագահ։ Ինքը ևս պետք է քննվեր»։

Ղազինյանը նշեց, որ դա նշանակում է, որ եթե իշխանությունից որոշեն ստեղծել քննիչ-հանձնաժողով, դա չի կարող ղեկավարվել տվյալ անձի կողմից։

Աղբյուր` Փաստինֆո