Փաստ ինֆո

Թուրք-ադրբեջանական տանդեմի հանցագործությունները շարունակվեցին նաև 44-օրյա պատերազմից հետո: Այսօր Արցախը կանգնած է լրջագույն խնդիրների առջև, չափազանցություն չի լինի, եթե ասենք, որ վտանգված է Հայաստանի ինքնիշխանությունը, պետականությունը: Այս մասին իր տեսաուղերձում ասաց «Հայաստան» խմբակցության ղեկաովար, ՊՆ նախկին նախարար Սեյրան Օհանյանը:

Օհանյանի խոսքով՝ մեր պետության առջև ծառացած սպառնալիքները չեզոքացնելու և անվտանգությունն ապահովելու համար կարևոր նախապայման է տեղի ունեցածի օբյեկտիվ և հանգամանալից վերլուծությունը: Օհանյանի դիտարկմամբ՝ 2018թ հայ ժողովուրդը ներքաղաքական կյանքում նոր իրականության առջև կանգնեց, թվում էր՝ երկրում ձևավցորվող նոր իշխանությունը, ունենալով ժողովրդի լիակատար վստահությունը, գնալու է իրական բարեփոխումների՝ բոլոր բնագավառներում, որոնք ապահովելու են մեր հասարակության համերաշխությունը և պետության խաղաղ զարգացումը:

«Ցավոք նրանք առաջնահերթություն համարեցին պետական բոլոր ռեսուրսներն ուղղել՝ պետության անվտանգությունն ապահոովող սեփական բանակը հեղինակազրկելու և քանդելու գործընթացին»,- նշեց Օհանյանը՝ հավելելով, որ լրատվական դաշտը ողողված էր բանակը վարկաբեկող հռետորաբանությամբ, միևնույն ժամանակ՝ իրենց կողմից իբրև թե կատարված աշխատանքի վերաբերյալ կեղծ, ուռճացված տեղեկություններով:

Նրա խոսքով՝ նախորդ երեք տարիների ընթացքում տեսնում էինք, թե ինչպես էին հետևողականորեն թիրախավորվում հայկական բանակի և հայոց նորանկախ պետությունների ստեղծման ակունքներում կանգնած նախագահները, ճանապարհ անցած սպաները, գեներալները և դեռևս այն ժամանակ բազմաթիվ ռազմաքաղաքական գործիչներ գուժում էին, որ այդ հետապնդումները, հարուցված քրեական կեղծ գործերը և դատավարությունները նպատակային են և ուղղված են՝ զինվորականներին, մարտական գեներալներին չեզոքացնելու

«Դա սկիզբն էր՝ Արցախի և Հայաստանի դեմ սանձազերծված նենգ, դավադիր ծրագրի, իսկ դրան հետևելու էր պատերազմը»,- նշեց Օհանյանը:

Աղբյուր` Փաստինֆո