Փաստ ինֆո

Տիգրան Արզաքանցյանն իր թիմակիցների հետ դուրս է գալիս Հայաստանի դեմոկրատական կուսակցության շարքերից։ Լրագրողների հետ զրույցում Արզաքանցյանը նշել է, թե ինչն է պատճառը։

Վերջինս հայտնեց, որ ընկերոջ՝ Արամ Գասպարիչի հետ պայմանավորվածություններ է ունեցել, որպեսզի հանդիպումներ կազմակերպեն տարբեր երկրների դեսպանների հետ, խորհրդի նիստով քննարկեն բարձրաձայնվող հարցերը, սակայն լրատավամիոցներից է տեղեկացել, որ Սարգսյանը հանդիպումներ է ունեցել ՀՀ-ում ԱՄՆ, ֆրանսիայի և այլ դեսպանների հետ։

«Առաջ ամեն հանդիպումները գնում էր մենակ Ռուսաստանի դեսպանների հետ։ Ես տենց 90 աստիճան փոփոխությունները չեմ հասկանում։ Ես փորձեցի իր հետ խոսել՝ չստացվեց։ Ասաց շատ զբաղված է, ինձ հետ հանդիպելու ժամանակ չունի։ Ես էլ ժամանակ չունեմ սխալ քայլեր կատարելու։ Գործընկերները եթե կատարում են սխալ քայլեր, չեմ կարող իրենց հետ սխալ ուղու վրա գնամ։ Ես իմ ճիշտ ճանապարհը գտել եմ՝ իմ հայրենասիրական որոշումները կայացնելու համար»։

Արզաքանցյանը նշեց, որ խմբային որոշումներ պետք է կայացնեին, գործադիր խորհրդում 25 անձ կա, որից 14-ը իր համակիրներն են ու տեղյակ չեն եղել հանդիպումներից, ինչը համարում է անընդունելի, սակայն դա որպես դավաճանություն չի ընկալում։

«Ես որտեղ գնում էի՝ գոռում էին դեմոկրատական կուսակցության 15 համարը։ Ժողովուրդն էլ Արամ Գասպարիչին քանի՞ տարի չէին տեսել, իր վահանակները որտե՞ղ էին տեսել։ Մենք մեր համագործակցության ժամանակի ընթացքում իրար հետ առաջ ենք գնացել, հիմա չեմ հասկանում ինչա՞ կատարվում։ Հիմա ժողովուրդը գիտի իսկական հայրենասեր անձը ովա։ Չեմ ասում ինքը վատն է, ես լավը։ Մարդիկ լավ էլ լսում են՝ ես իմ բանը, գործը թողել եմ կողքի, ուզում եմ մեր երկրի համար մի բանով պետք գամ, պիտանի լինեմ իմ գործով»։

Հիշեցնենք, որ Հայաստանի դեմոկրատական կուսակցության ղեկավար Արամ Սարգսյանն ու նախկին պատգամավոր, գործարար Տիգրան Արզաքանցյանը համաձայնագիր էին ստորագրել՝ հուլիսի 20-ին կայանալիք արտահերթ խորհրդարանական ընտրություններին միասին մասնակցելու վերաբերյալ։

Աղբյուր` Փաստինֆո