Փաստ ինֆո

Մեր ընդդիմադիր գործընկերները չգիտես՝ ինչո՞ւ են ընդհանրապես մանդատները վերցրել, եթե ամեն հարցի վերաբերյալ պետք է լքեն նիստերի դահլիճը: Հետո էլ հպարտությամբ հայտարարեն, որ իրենց պարգևավճարը կամ աշխատավարձը տալիս են ուրիշներին: Բնական է, որ պետք է տան, եթե այսպես պետք է շարունակեն կարելի է ընդհանրապես զրկել: Այս մասին ԱԺ նիստին համայնքների խոշորացման հարցի քննարկման ժամանակ ասաց «Քաղաքացիական պայմանագիր» խմբակցության պատգամավոր Սիսակ Գաբրիելյանը:

ՔՊ պատգամավոր Վահե Ղալումյանն էլ արձագանքեց, թե «իրենց խնդիրն է» մասնակցել, չմասնակցելը.

«Ընդդիմությունը սահմանդրական իրավունքով ԱԺ-ում պետք է ներկայացնի հակառակ կարծիք, սակայն չի անում, դա իրենց խնդիրն է»,-ասաց Ղալումյանը:

Հիշեցնենք, որ ավելի վաղ «Հայաստան» և «Պատիվ ունեմ» խմբակցությունները բոյկոտել էին նիստը և լքել նիստերի դահլիճը:

Աղբյուր` Փաստինֆո