Փաստ ինֆո

Կառավարության շենքի դիմաց բողոքի ակցիա իրականացնող խաղողագործներն ավելի վաղ հանդիպել են Էկոնոմիկայի փոխնախարարի հետ, որը նշել է, թե պատերազմի և կորոնավիրուսի պատճառով սպառում չկա:

Նշենք, որ խաղողագործներն այսօր խաղողի մթերման խնդրի առջև են կանգնել:

«Նախկիններից լացելը, գործ անելու իմիտացիան լավ ժառանգել են, բայց հստակ լուծումներ չեն առաջարկում: Էս մարդիկ գոնե բացահայտ չեն ուզում ասեն, որ անզոր են այդ հարցերը լուծել: Հայկական կոնյակն օր օրի իր հեղինակությունը միջազգային շուկայում գցում է: Նախորդ իշխանությունների օրոք օրենք է հրապարակվել, որ հայկական գինին և կոնյակը պետք է հայկական խաղողից պատրաստված լինի: Մարդիկ չեն հետևում դրան: Բացարձակ անտարբերություն է»,-նշեց խաղողագործը:

Խաղողագործները նշում են, որ «Նոյ» գործարանը հրաժարվել է խաղող մթերել՝ պատճառաբանելով, որ տարաներ չունի, սակայն նրանք կարծում են, որ կառավարությունը պետք է գործարանի հետ այդ հարցը լուծի:

«Կառավարությունն է մեղավոր, որ չի կարողանում ընդհանուր հայտարարի գալ: Այսօր խոշորագույն խաղացողը դուրս է գալիս մթերման ոլորտից, բա դու չասե՞ս 30 հազար տոննա որտեղ տեղավորեմ: Հայաստանում 120 հազարից ավել խաղող չի արտադրվում և դրանից 30-40 հազար տոննան Գագիկ Ծառուկյանի գործարանն է մթերում»,-ասաց խաղողագործը:

Աղբյուր` Փաստինֆո