Փաստ ինֆո

Ֆրանսիայի զինված ուժերի նախարարությունը նպատակահարմար չի գտնում ՆԱՏՕ-ից Ֆրանսիայի դուրս գալը՝ ԱՄՆ-ի մասնակցությամբ Ավստրալիայի հետ սուզանավերի կառուցման պայմանագրի սկանդալային խզումից հետո: Այս մասին չորեքշաբթի օրը, ելույթ ունենալով Սենատում, հայտարարել է գերատեսչության ղեկավար Ֆլորանս Պարլին։

«Ինչպիսի՞ եզրակացություններ կարող են արվել սուզանավերի մատակարարման պայմանագրի խզման կապակցությամբ։ Պետք է արդյո՞ք դուրս գալ ՆԱՏՕ-ից՝ դուռը շրխկացնելով։ Չեմ կարծում, որ պետք է նման քայլ անել», - ասաց ռազմական նախարարը։

«Վերջին ամիսները շատ բուռն են դարձել ՆԱՏՕ-ի կյանքում։ Մասնավորապես նկատի ունեմ Թուրքիայի արկածախնդիր գործողությունները Միջերկրական ծովում։ Ինչպես նաեւ Աֆղանստանից զորքերի շտապ դուրս բերումը, ընդ որում՝ անհամաձայնեցված ձեւով, ինչը հանգեցրել է, ինչպես մենք բոլորս տեսանք, բավական տխուր հետեւանքների», - նշել է Պարլին ։ «Սուզանավերի մատակարարման ֆրանսիական պայմանագրի վերաբերյալ ԱՄՆ - ի դիրքորոշումը դարձել է այն արձանագրման հերթական հաստատումը, որը մենք անում ենք արդեն ամիսներ շարունակ. ներկայումս ՆԱՏՕ - ում լիովին բացակայում է քաղաքական երկխոսությունը», - ընդգծել է նա:

Պարլին հիշեցրել է, որ ՆԱՏՕ-ի գլխավոր խնդիրը՝ Եվրոպայի պաշտպանությունն է։ «ԱՄՆ-ը դրանում հիմնական դեր է խաղում, սակայն որոշակի դեր է խաղում նաեւ Ֆրանսիան՝ մասնավորապես ՆԱՏՕ-ի գործողության շրջանակներում համերաշխություն ցուցաբերելով Բալթյան երկրներին», - նշել է նախարարը: «Բայց չպետք է մոռանալ, որ ՆԱՏՕ - ի գոյության նպատակը ոչ թե առճակատումն է Չինաստանի հետ, այլ տրանսատլանտյան անվտանգության ապահովումը։ Հենց դա է Ֆրանսիան մտադիր հիշեցնել ԱՄՆ-ին», - նշել է Պարոլները։

«Լինել դաշնակիցներ, դա չի նշանակում լինել հակառակ կողմի շահերի պատանդը», - իր ելույթի վերջում ընդգծել է Ֆլորանս Պարոլին:

Աղբյուր` Փաստինֆո