Փաստ ինֆո

Մեզ մոտ լռության ակցիա է, մենք համարում ենք, որ անկախության տոնն այս իրավիճակում պետք է «տոնել» լռությամբ: Այս մասին ընդդեմ սեպտեմբերի 21-ի «գունագեղ» միջոցառման անցկացման ժամանակ ասաց պրոդյուսեր Արմեն Գրիգորյանը.

«Ամեն օր զարհուրելի բաներ են կատարվում: Երկու օր առաջ դեռահաս ֆուտբոլիստ երեխաների են ահաբեկել են, Արցախի դրոշն են պոկել, հայկական բեռնատար են վնասել, երեկ երկու հայ տղա են գերեվարել: Թշնամին մեր երկրում կանգնած՝ ում ուզում վերցնում, տանում է, ինչ ուզում, անում է , մենք անկախության օր ե՞նք նշում, սա ի՞նչ հիվանդություն է»,-ասաց պրոդյուսերը:

Վերջինս նշեց, որ լռության ակցիան շարունակելու են մինչև սեպտեմբերի 21-ը.
«Մենք պատրաստվում ենք այստեղ կանգնենք և լռենք՝ մեջքով դեպի բեմը՝ մինչև ամսի 21-ը»,-ասաց Արմեն Գրիգորյանը և հավելեց, որպեսզի հասնեն իրենց նպատակին, ակցիայի մասնակիցների թիվը պետք է շատանա:

Նշենք, որ երեկ հերթական ակցիայի ժամանակ Արմեն Գրիգորյանը Շառլ Ազնավուրի անվան հրապարակից բերման էր ենթարկվել ոստիկանություն:

Նա լրագրողների հետ զրույցում հայտնեց, որ վիճակը նորմալ է, մարմնական վնասվածքներ չունի.

«Անցել եմ դատաքննչական հետազոտություն, որովհետև ես ինձ բերման ենթարկող կարմիր բերետավորին դատելու եմ: Ես ասել եմ, եթե ոստիկանները անօրիանական բիրտ ուժ կիրառեն, պատասխանը ստանալու են, և այդ պատասխանը լինելու է օրենքով:Ձեռքերդ բռնում, տակից հարվածում են, դա ոստիկանին անհարիր է, այդ մարդը պետք է դատվի, առնվազն պետք է ոստիկանության շարքերը չպղծի»,-ասաց Արմեն Գրիգորյանը:

Աղբյուր` Փաստինֆո