Փաստ ինֆո

Այստեղ այնքան պետք է կանգնել և պահանջել, մինչև գունագեղ միջոցառումը չեղարկվի:Իշխանությունը վերջապես զոհված զինվորների ծնողների ձայնը պետք է լսի: Սա այն ֆորմատը չէ, որով պետք է նշվի անկախության օրը, կարելի էր ավելի զուսպ լինել, Եռաբլուրում մինչև հիմա նոր գերեզմաններ են փորվում: Այս մասին ընդդեմ սեպտեմբերի 21-ի «գունագեղ միջոցառման» ակցիայի ժամանակ ասաց մեդիափորձագետ Տիգրան Քոչարյանը.

Նա նշեց, որ մեծ ռեսուրս և գումար է ծախսվում միջոցառման վրա, այն պարագայում, երբ երկրում բազմաթիվ խնդիրներ կան, իսկ միջոցառման հատկացված ահռելի գումարով կարելի էր այդ խնդիրները լուծել.

«Ցավալի է, որ մենք ապրում ենք այն ժամանակներում, երբ հանուն սեփական սադիստական խրախճանքի, իշխանությունն աչք է փակում ամեն ինչի վրա և որոշում է շոու անել, ուրախանալ:Եթե նույնիսկ մեկ ծնող կանգներ և պահանջեր, որ միջոցառումը չեղարկվի, այդ պահանջը պետք է լսել, քանի որ այդ մարդիկ հայրենիքին են տվել իրենց ամենաթանկին՝ երեխային: Եթե լիներ ավելի պետականամեծ, ադեկվատ իշխանություն կլսեր նրանց, բայց նրանք այն պրինցիպով են, որ փող է կպել,կարելի է ծախսել»,-ասաց Տիգրան Քոչարյանը և ընդգծեց, որ պետք է ստուգվեն միջոցառման հետ կապված ֆինանսական հոսքերը.

«Բավականին մեծ գումար է, և ես կասկածներ ունեմ, որ ամեն ինչ այդքան էլ մաքուր չէ»,-ասաց նա:

Աղբյուր` Փաստինֆո