Փաստ ինֆո

Սահմանի վրա ապրող մարդը ստիպված իր գործը թողել, եկել ճանապարհ է փակել, որ իրեն որպես մարդ հաշվեն, սա շատ վատ վերաբերմունք է իշխանությունների կողմից մեր ժողովրդի հանդեպ: Գեղամասարում ակցիայի ժամանակ ասաց Գեղամասար համայնքի ղեկավար Հակոբ Ավետյանը.

«Մեր գյուղը սահմանապահ գյուղ է, բնակիչները միայն սահմանը չեն պաշտպանում, այլ նաև ապրում են սահմանին ու ընդհանրապես նրանց կարծիքը հաշվի չառնելը անբարոյական է և անհարգալից վերաբերմունք է ժողովրդի նկատմամբ»,-ասաց Ավետյանը:

Հակոբ Ավետյանը նաև նշեց, որ բանավոր դիմել է ՏԿԵ նախարար Գնել Սանսոյանին՝ Վարդենիսի և Գեղամասարի միավորման վերաբերյալ որոշումը չեղարկելու համար, սակայն ոչ մի արձագանք չկա։

«Գնել Սանոսյանն ինձ անձամբ ասել է, ձեր համայնքը ցրելու եմ, դու էլ դատվելու ես: Դա իմ քաղաքական հայացքների հետ է կապված, ով իրենց հետ չի՝ իրեն որպես դուշման են նայում: Բայց եթե Հայաստանում խնդիրը ես եմ, որ ինձ դատելով հարցերը կլուծվի, ես կգնամ կամավոր կներկայանամ»,-ասաց Ավետյանը:

Աղբյուր` Փաստինֆո