Փաստ ինֆո

«Հայաստան» դաշինքի պատգամավոր Գեղամ Նազարյանը լրագրողների հետ հանդիպմանը անդրադարձել է սեպտեմբերի 21-ին իշխանության կողմից կազմակերպվող գունագեղ տոնակատարություններին։ Զոհված զինծառայողի հայրը նշեց, որ դա անարգանքի փորձ էր նահատակված հերոսներին ու նրանց ընտանիքներին։ 

«Իշխանությունը միտումնավոր որոշեց գունագեղ շոու սարքել, որ մեր հարևան երկու երկրներին, նաև ՌԴ-ին, Ֆրանսիային, ԱՄՆ-ին հստակ մեսիջ հղեր, որ այս ժողովուրդը հանձնվել է, հաշտվել իրավիճակի հետ, պատրաստ են Հայաստանը դնել վասսալական կախման մեջ Թուրքիայից կամ Ադրբեջանից, այնպես որ չփորձվեք ինչ-ինչ գործընթացներ սկսել կամ կանխել ընթացող գործընթացները»։

Նիկոլ Փաշինյանի հայտարարությունը առաջացրեց զոհված զինծառայողների հարազատների զայրույթը, տարբեր բողոքի գործողություններ անցկացնելու առաջարկներ հնչեցին։Նազարյանը նշեց, որ «Ճշմարտություն սերունդների համար» նախագծով ստորագրահավաք են կազմակերպել։ Հարյուրավոր ծնողներ, հարազատներ պահանջ են ներկայացրել, որ չի կարելի գունագեղ շոու անցկացնել, տոնակատարություն անել, երբ պատերազմի ավարտից դեռ մեկ տարի էլ չի անցել և որ հարյուրավոր ընտանիքներ փնտրում են իրենց զավակներին։

«Հստակ է պահանջը՝ չեղարկել համերգը։ Ես, որպես Աբգարի պապա, ասում եմ, որ տղե՛րք, էդ օրը համերգ տալը նույնն է, որ կանգնեք մեր տղերքի արյան վրա ու պարեք, բայց 60-80 հազար դրամ ստացողն ասում է՝ ինձ գործից կհանեն։ Երեխաները իրենց երկրային կյանքը տվեցին էս հայրենիքի համար, իսկ իրենք պատրաստ չեն 60-80 հազար դրամանոց աշխատանքից հրաժարվել։ Անպես չի, որ 300 հազարը պետք է պայքարեն, մնացած 2 միլիոնն ասեն՝ ինչո՞ւ եք վատ պայքարում։ Վաղը մյուս օր այս իրավիճակը հանգուցալուծվելու է։ Այդ ժամանակ պետք է զբաղվել այն մարդկանցով, որ փափուկ աթոռի համար կանգնեցին մեր երեխեքի արյան վրա ու պարեցին»,- ասաց Նազարյանը։

Աղբյուր` Փաստինֆո