Փաստ ինֆո

Վարչապետին, ԱԺ նախագահին բժիշկ տրամադրելն առավելություն չեմ համարում, կարծում եմ՝ այստեղ անվտանգային հարցեր կարող են լինել։ Լրագրողների հետ զրույցի ժամանակ ասաց ԱԺ «ՔՊ» խմբակցության պատգամավոր Լուսինե Բադալյանը՝ անդրադառնալով նախագծին, որով առաջարկվում է բժիշկ տրամադրել վարչապետին, ԱԺ նախագահին։

Հարցին՝ եթե ինքն ընդդիմադիր պատգամավոր լիներ, ինչպե՞ս կարձագանքեր, եթե տեսներ, որ նախորդ իշխանություններն ավելացնում են իրենց պատգամավորների ձեռքի ծախսը, բժշկական ապահովագրության հավելյալ միջոցներ են ամրագրում, Լուսինե Բադալյանն ասաց.

«Բացի 250 հազար դրամի նախագիծը նույնպես էական տարբերություն չի տալիս պատգամավորի եկամուտների հարցում։ Յոթերորդ գումարման ԱԺ-ն, երբ պատգամավորները հրաժարվեցին օրենքով սահմանված 150 հազար դրամներից և 50 հազար դրամներից, որն ամրագրված է օրենքով և բոլորը ստանում են, այդ համագումարի արդյունքում այստեղ տարբերությունն ընդամենը 50 հազար է»,-ասաց Լուսինե Բադալյանը։

Դիտարկմանը, որ կենսաթոշակառուների թոշակը գոնե 5000 դրամով չի բարձրացվում, բայց ԱԺ նախագահին տրամադրվում է անձնական բժիշկ, Լուսինե Բադալյանն ասաց, որ դրանք շատ տարբեր և իրար հետ կապ չունեցող երևույթներ են։

«Թոշակը մենք արդեն մեկ անգամ բարձրացրել ենք, և ինչպես մեր քաղաքական թիմն է խոստացել, ամեն տարի այն պետք է բարձրանա։

Իհարկե մեզ մի քիչ խանգարեց կորոնավիրուսն ու պատերազմը, բայց դա մեր քաղաքական գիծն է, որից որևէ մեկը չի շեղվելու»,-ասաց Լուսինե Բադալյանը։

Աղբյուր` Փաստինֆո