Փաստ ինֆո

Հոկտեմբերի 17-ին Սյունիքի մարզի Գորիս համայնքում ՏԻՄ ընտրություններին կմասնակցի չորս քաղաքական ուժ՝ Գորիսի քաղաքապետ Առուշ Առուշանյանի գլխավորությամբ՝ «Առուշ Առուշանյան» դաշինքը, իշխանական «Քաղաքացիական պայմանագիր» կուսակցությունը, ինչպես նաև՝ «Հայ ազգային կոնգրես» և «Հայաստանի կոմունիստական» կուսակցությունները։ Տաթև համայնքի ՏԻՄ ընտրություններում կպայքարի երեք քաղաքական ուժ՝ «Քաղաքացիական պայմանագիր», «Ապրելու երկիր» կուսակցությունները և «Շանթ դաշինք» ազգայնական կուսակցությունը, Տեղ համայնքում՝ «Ապրելու երկիր» և «Քաղաքացիական պայմանագիր» կուսակցությունները, Մեղրիում՝ չորս քաղաքական ուժ՝ «Հանրապետություն», «Ապրելու երկիր», «Քաղաքացիական պայմանագիր» և Ազատական կուսակցությունները։ Ի դեպ, Սյունիքի մարզը հատկապես հետպատերազմյան շրջանում հայտնվել է հակառակորդի ուղիղ թիրախում, օրերս անգամ ադրբեջանական անցակետ է տեղադրվել Գորիս-Կապան ավտոճանապարհին, իսկ այդ ընթացքում Սյունիքի մարզի համայնքապետերը գտնվում են անազատության մեջ։

Ինչ վերաբերում է Տավուշի մարզի Դիլիջան համայնքին, ապա ՏԻՄ ընտրություններին կմասնակցի հինգ քաղաքական ուժ՝ «Ապրելու երկիր», «Հայրենիք». «Քաղաքացիական պայմանագիր», «Հանրապետություն» և «Քաղաքացու որոշում» կուսակցությունները։ Գյումրիում ՏԻՄ ընտրություններին կպայքարի 10 քաղաքական ուժ՝ «Բալասանյան դաշինք» սոցիալական կուսակցությունը, «Գյումրին կռնա» դաշինքը, «Զարթոնք» ազգային-քրիստոնեական կուսակցությունը, «Արժանապատիվ ուղի» կուսակցությունը, «Հայրաքաղաք» դաշինքը, Հայաստանի կոմունիստական կուսակցությունը, Հայաստանի Հանրապետական կուսակցությունը, «Քաղաքացիական պայմանագիր» կուսակցությունը, «Թասիբով» դաշինքը, «Ապրելու երկիր» կուսակցությունը։

Աղբյուր` Փաստինֆո