Փաստ ինֆո

ԱՄՆ Հետաքննությունների դաշնային բյուրոն (ՀԴԲ) շաբաթ օրը հրապարակել է 2001 թվականի սեպտեմբերի 11-ի ահաբեկչությունների վերաբերյալ փաստաթղթերից առաջինը, որոնք գաղտնազերծվել են ԱՄՆ նախագահ Ջո Բայդենի հրամանագրի շրջանակներում: Փաստաթուղթը ՏԱՍՍ-ի փոխանցմամբ՝ տեղադրված է գերատեսչության կայքում։

«Այդ նյութը հրապարակվում է 2021 թվականի սեպտեմբերի 3 - ին ստորագրված գործադիր հրամանագրի շրջանակներում, որը վերաբերում է 2001 թվականի սեպտեմբերի 11-ի ահաբեկչական հարձակումներին վերաբերող որոշ փաստաթղթերի գաղտնազերծման վերաբերյալ վերանայման առարկային», - ասված է բացատրական հաղորդագրության մեջ:

Գաղտնազերծված փաստաթուղթը, որը պարունակում է հրապարակման ժամանակ առգրավված դրվագների զգալի քանակություն, թվագրվում է 2016թ։ Այն բաղկացած է 16 էջից եւ կազմված է մի մարդու ցուցմունքների հիման վրա, որն աշխատում էր Լոս Անջելեսում Սաուդյան Արաբիայի հյուպատոսությունում, իսկ ավելի ուշ ձգտում էր ստանալ ամերիկյան քաղաքացիություն: Գաղտնիության պահպանման համար աղբյուրի անունը նույնպես հանվել է։

Զեկույցում խոսքը վերաբերում է այդ մարդու հետ այն անձանց շփումներին, որոնք, ամերիկյան իշխանությունների վարկածով, կարող էին զգալի լոգիստիկ աջակցություն ցուցաբերել այն ահաբեկիչներին, որոնք մասնակցել են 2001 թվականի սեպտեմբերի 11-ին մարդատար ինքնաթիռների գրավմանը: Խոսքը, մասնավորապես, աղբյուրի շփումների մասին է Սաուդյան Արաբիայի մյուս երկու հպատակների հետ, որոնցից մեկը նույնպես աշխատել է Լոս Անջելեսի Սաուդյան հյուպատոսությունում, իսկ մյուսը, ՀԴԲ-ի վարկածով, կարող էր Սաուդյան հետախուզության գործակալ լինել:

Աղբյուր` Փաստինֆո