Փաստ ինֆո

Մեր տարածաշրջանը մշտապես լինելու է բոլոր ուժային կենտրոնների հետաքրքրության կենտրոնում, հատկապես՝ Արցախը, Սյունիքը մշտապես եղել են Մեծ Թուրանի ճանապարհը, իսկ Մեծ Թուրանի գաղափարը կրող թուրքական աշխարհը, իր հերթին, միշտ գործիք է եղել բրիտանական էլիտայի ձեռքին՝ Ռուսաստանին հարվածելու համար: «Փաստինֆո»-ի եթերում նման տեսակետ է հայտնել ռազմական փորձագետ Դավիթ Ջամալյանը:

Նրա պնդմամբ՝ ուժային կենտրոնների շահերը չեն փոխվել, ուստի Արաքսի հովտի նշանակությունը Բրիտանիայի և թուրքական աշխարհի, Ռուսաստանի, Իրանի, ինչպես նաև մեզ համար ահռելի է.

«Որպեսզի ռուսական գործոնը այդ կարևորագույն տարածաշրջանում թուլանա, որպեսզի Թուրքիան ծավալվի, իր ծավալապաշտական նկրտումներով հարվածի Ռուսաստանին և այդ կերպ գործի բրիտանական սցենարը, բրիտանաթուրքական տանդեմը խաղարկեց մի հաջող սցենար՝ Հայաստանում իշխանության բերեցին մեկին, որի ընկալումներում ամեն ինչ զիջելը, կենցաղային բնազդով հասարակություն ստեղծելու միջոցով թուրքական աշխարհին ընտեգրվելը եղել է: Այս գաղափարը կրող, անհայրենիք, անդեմ կոսմոպոլիտիզմից տոգորված մի խունտա բերվեց Հայաստան և շատ վարպետորեն խաղարկվեց նախորդ տարիների թերությունների, արատներով պայմանավորված ժողովրդի դժգոհությունը: Հիմա այս մարդիկ եկել են իշխանության և խաղարկում են բրիտանական սցենար»,-ասաց փորձագետը և հավելեց ՝միակ հանգամանքը, որ այդ բրիտանական սցենարն իր ամբողջական տեսքով չիրականացավ՝ ռուսական կտրուկ միջամտությունն էր.

«Հիմա պետք է ամբողջ Արցախն օկուպացված լիներ, Սյունիքի մի մասն էլ պետք է օկուպացված լիներ և ամբողջ Արաքսի հովիտը պետք է լիներ թուրքական-բրիտանական պատկանելության: Քանի դեռ Հայաստանում կա իշխանություն, որը հայրենասիրությունը, հայանպաստ հեռանկարները, երկրի զարգացման տեսլականը նույնացնում է բրիտանա-թուրքական սցենարի հետ մենք կորուստներ ենք կրելու»,-ասաց Դավիթ Ջամալյանը:

Մանրամասները՝ տեսանյութում

Աղբյուր` Փաստինֆո