Փաստ ինֆո

Աղվան Հովսեփյանին մեղադրանք են առաջադրել, իբր, նախկին ընկերներից նվերներ է ստացել։ Հիմա չեմ հասկանում, եթե այդ նվերները տրվեին աղջկա հարսանիքին, կլինեին իրավաչա՞փ։ Այս մասին ֆեյսբուքյան իր էջում գրել է ՀՀ նախկին գլխավոր դատախազ, ՀՀ ՔԿ նախկին նախագահ Աղվան Հովսեփյանի պաշտպան Գագիկ Խաչիկյանը։

Հիշեցնենք, Սասուն Խաչատրյանը, որը հավակնում է դառնալ հակակոռոուպցիոն կոմիտեի նախագահ, երեկ հայտարարել էր, թե իր աղջիկը ամուսնության կապակցությամբ երկու կողմի բարեկամներից նվեր է ստացել գումարի տեսքով՝ 4,3 միլիոն։ Ընդ որում՝ նվիրատուների մեջ էր նաև Տիգրան Գևորգյանը, ում նրա կինը 2018 թվականին նվիրել է «Գործավարական գրասենյակ համար մեկ» ՍՊԸ-ի 100 տոկոս բաժնեմասը:

Բացի այդ՝ Խաչատրյանը հայտարարել էր, թե չունի սեփական ավտոմեքենա, վարում է կնոջ եղբորը պատկանող ավտոմեքենան.

«Նա մի քանի ավտոմեքենա ունի, բավականին ապահովված տղա է»։

Ինչ վերաբերում է Խաչատրյանին պատկանող բնակարաններին, ապա վերջինս նշել էր, թե դրանցից մեկը ձեռք է բերվել վարկով, մյուս բնակարանը՝ պետական ծրագրի շրջանակներում, ընդ որում՝ շուկայականից ցածր գնով։

Ստացվում է՝ ներկայիս պաշտոնյաների համար խոշոր «նվերներ» ստանալն իրավաչափ է։

Աղբյուր` Փաստինֆո