Փաստ ինֆո

Մեր տղաների արյունը դեռ չորացած չէ, սառնարաններում դիեր կան, որոնք նույնականացված էլ չեն, իսկ Նիկոլ Փաշինյանը՝ իր ոհմակի հետ, պատրաստվում է տոնախմբության: «Փաստինֆո»-ի եթերում հայտարարել է «Ազգային անվտանգություն» կուսակցության նախագահ Գառնիկ Իսագուլյանը՝ անդրադառնալով սեպտեմբերի 21-ին «գունագեղ և մասշտաբային» միջոցառում անցկացնելու մասին Կառավարության որոշմանը.

«Եթե դուք այդքան լավ անկախության տոնակատարություն էիք անում, ապա սեպտեմբերի 2-ին Արցախի անկախության օրն էր, ինչո՞ւ այդ տոնախմբություն անողներից որևէ մեկը Արցախում չէր»,-ասաց Գառնիկ Իսագուլյանը և հավելեց, որ ՔՊ-ական պատգամավորներն անկախության օրվա առթիվ Արցախ են մեկնել՝ 12 թիկնապահների ուղեկցությամբ.

«Իրենց խմբակցության ղեկավարը 3 թիկնապահով էր քայլում Ստեփանակերտում »,-ասաց Իսագուլյանը:

Նա, անդրադառնալով վերջին շրջանում ընդդիմադիր պատգամավորների ձերբակալություններին՝ Արմեն Չարչյանին, Աղվան Հովսեփյանին ազատությունից զրկելուն, ընդգծել է, որ դրանք հստակ միտում ունեն՝ շեղել հանրության ուշադրությունը կարևոր հարցերից և վախի մթնոլորտ տարածել.

«Նիկոլն ուզում է, ասել, որ կարող եմ ցանկացածին կալանավորել, ցանկացածին կարող եմ բանտ տանել, սա ազդանշան է, որ որևէ մեկը չփորձի իրեն ընդդիմանալ»,-ասաց Իսագուլյանը:

Բանախոսը տարօրինակ համարեց նաև հանրության արձագանքը տեղի ունեցող գործընթացներին.

«Հարց է առաջանում՝ մենք ազգ կոչվելու իրավունք ու՞նենք. կապիտուլյացիա ստորագրածին վերընտրում ենք, ինչ ասում է՝ հնազանդվում ենք, հիմա էլ 10.000 զոհերի արյան վրա մարդը խրախճանք է ուզում անել, համակերպվում ենք, իշխանությունը թքած ունի Արցախի վրա, էլի համակերպվում ենք »,-ասաց Գառնիկ Իսագուլյանը:

Մանրամասները՝ տեսանյութում։

Աղբյուր` Փաստինֆո