ԲՈԼՈՐ ՆՅՈՒԹԵՐԸ
Իմ նկատմամբ համապատասխան հակակրանք ունեք. Ալեքսանյանը դատարանի գործողությունների հետևանքով հրաժարվեց իրականացնել Արմեն Գևորգյանի պաշտպանությունը 09/07/2021 15:04 | 2-րդ նախագահի գործով դատավարությունը
ՀՀ նախկին փոխվարչապետ Արմեն Գևորգյանի պաշտպան Էրիկ Ալեքսանյանը հրաժարվեց պաշտպանել նրա իրավունքները՝ դատավոր Աննա Դանիբեկյանի պատճառով։
«Փաստինֆո»-ի թղթակցի հաղորդմամբ՝ Երևանի ընդհանուր իրավասության դատարանում՝ դատավոր Աննա Դանիբեկյանի նախագահությամբ, ՀՀ երկրորդ նախագահ Ռոբերտ Քոչարյանի և ՀՀ նախկին փոխվարչապետ, «Հայաստան» խմբակցության ղեկավար Արմեն Գևորգյանի գործով ընթացող դատական նիստում դատավորը հայտարարեց, որ պետք է քննարկման առարկա դարձնեն փաստաբան Էրիկ Ալեքսանյանի վարքագիծը՝ օգոստոսի 24-ին կայացած դատական նիստի ընթացքում, երբ վերջինս լքել էր նիստերի դահլիճը՝ դատավոր Աննա Դանիբեկյանին ինքնաբացարկի միջնորդություն ներկայացնելու համար։
Փաստաբան Էրիկ Ալեքսանյանը նշեց, որ դատարանն իր բոլոր հնարավոր միջոցներով սահմանափակում է իր՝ Արմեն Գևորգյանի պաշտպանության իրականացման հնարավորությունը, պարտականությունը՝ խախտելով Գևորգյանի պաշտպանության իրավունքը։ Ալեքսանյանը նշեց, որ նախորդ դատական նիստին, ունենալով դատարանի օրինականության վերաբերյալ կասկածներ, խնդրել է ժամանակ տրամադրել՝ ինքնաբացարկի միջնորդություն ներկայացնելու համար, սակայն դատավորը նշեց, որ պաշտպանը կարող է ներկայացնել միջնորդությունը, երբ այն պատրաստ կլինի և շարունակել է դատավարությունը ։ Ալեքսանյանն ընդգծեց, որ իր գործողություններն ուղղված են եղել ի հակադրումն դատավորի ոչ իրավաչափ գործողությունների, ինչը հանգեցրել է Արմեն Գևորգյանի արդար դատաքննության իրավունքի խախտման։
«Ես պնդում եմ, որ դրսևորել եմ պատշաճ վարքագիծ։ Այնուամենայնիվ կարծում եմ, որ միևնույն է, իմ նկատմամբ դատական սանկցիա եք կիրառելու, բայց ոչ նրա համար, որ դա հիմնավոր է լինելու, ուղղակի կյանքը ցույց տվեց, որ Դուք իմ դեպքում այլ բան չեք էլ անում՝ ունենալով կոնկրետ իմ նկատմամբ համապատասխան հակակրանք »,- նշեց Ալեքսանյանը՝ հավելելով, որ նախապես անհամաձայնություն է հայտնում՝ դատարանի հետագա գործողությունների և իր վարքագծի վերաբերյալ որոշման դեմ։
Դատավոր Աննա Դանիբեկյանը, լսելով Ալեքսանյանի դիրքորոշումը, նրա գործողությունները համարեց ոչ իրավաչափ և կիրառեց դատական սանկցիա՝ նկատողության տեսքով։
«Միևնույն ժամանակ դատարանը հարկ է համարում արձանագրել մեկ օրինաչափություն, որը նկատել է պաշտպանության կողմի վարքագծում։ Յուրաքանչյուր անգամ, երբ դատարանն առաջարկում է մեղադրողներին հրապարակել մեղադրական եզրակացության եզրափակիչ մասը, պաշտպանության կողմը փորձում է ներկայացնել ինքնաբացարկի միջնորդություն, որը քննարկման առարկա չդարձնելով, պաշտպանները լքում են նիստերի դահլիճը»,- նշեց դատավոր Աննա Դանիբեկյանը՝ հավելելով, որ պաշտպանները, ինքնաբացարկի միջնորդություն ներկայացնելով, փորձում են արգելափակել իրենց համար ոչ ցանկալի գործողությունները։ Դանիբեկյանը նշեց, որ դատարանը որևէ միջնորդության քննարկման չի անդրադառնում և անցնում է մեղադրական եզրակացության եզրափակիչ մասը լսելուն, ինչից հետո պաշտպան Էրիկ Ալեքսանյանը հայտարարությամբ հանդես գալու ցանկություն հայտնեց, ինչը դատարանը թույլ չտվեց։ Այդուհանդերձ, Ալեքսանյանը պնդեց՝ նշելով, որ կանի իր հայտարարությունը։
«Խնդրում եմ իմ՝ որպես Արմեն Գևորգյանի պաշտպան, պարտավորությունները դադարեցնել, որովհետև դուք հակակրանք ունեք իմ նկատմամբ։ Ես նման պայմաններում այլևս չեմ կարող շարունակել Արմեն Գևորգյանի պաշտպանությունը, ես հայտարարում եմ, որ հետայսու Արմեն Գևորգյանի շահերը պաշտպանել չեմ կարող»,- հայտարարեց Ալեքսանյանը՝ դիմելով դատավորին։
Փաստաբան Էրիկ Ալեքսանյանը լքեց դատական նիստերի դահլիճը, ինչից հետո դատարանն արձանագրեց, որ Ալեքսանյանը կրկին լքել է նիստերի դահլիճը՝ առանց դատարանի թույլտվության։
Արմեն Գևորգյանն էլ նշեց, որ ցանկանում է պաշտպան ունենալ, իր սահմանադրական իրավունքը՝ պաշտպանության, պետք է պահպանված լինի, ինքն ինքնուրույն չի կարող գործի մանրամասներին ուշադրություն դարձնել։ Գևորգյանը համաձայնեց Ալեքսանյանի հետ, որ նա այլևս չի կարող այս դատավարությունում պաշտպանել իր շահերը։
Հիշեցնենք, որ նշված դրվագով Ռոբերտ Քոչարյանը մեղադրվում է առանձնապես խոշոր չափերով կաշառք ստանալու, իսկ Արմեն Գևորգյանը՝ առանձնապես խոշոր չափերով կաշառք ստանալու և հանցավոր ճանապարհով ստացված գույքն օրինականացնելու մեջ։
Հեղինակ՝ Իզաբել Սահակյան
Հարակից հրապարակումներ`
Տեսանյութեր
10/07/2024 12:08
Աբովյանը 61 տարեկան է. Ծառուկյանն ասում է՝ այն իր ամենասիրելի քաղաքն է
Տեսադարան
09/02/2024 10:55
Սեպտեմբերի 2-ը Արցախի Հանրապետության հռչակման օրն է
Մամուլ
- 12/03/2024 08:40 Անդրանիկ Քոչարյանը կանգնել է ՔՊ վարչության առջեւ ու ներողություն խնդրել. բացառիկ մանրամասներ. «Ժողովուրդ»
- 12/03/2024 08:38 Նիկոլի խոփը Հովիկի քարին է դեմ առել․ «Հրապարակ»
- 12/03/2024 08:36 Մեքենաների շարասյուներով և թիկնապահներով պտտվողներ չեն լինի․ ՆԳՆ-ն գործընթաց է մեկնարկել. «Ժողովուրդ»
- 12/03/2024 08:33 Քննչականում, հերթ չտալով, Փաշինյանի հրահանգներն են կատարում․«Հրապարակ»
- 12/03/2024 08:30 Արսեն Թորոսյանը նախարարին պաշտոնանկ անելու պլաններ ունի. «Ժողովուրդ»
- 12/03/2024 08:27 Փաշինյանը նոր դրամաներ է պատրաստում․ «Հրապարակ»
- 12/03/2024 08:24 Ռոբերտ Քոչարյանը փրկե՞ց Հովիկ Աղազարյանին. «Փաստ»
Գործ #
09/21/2024 14:53
«Արմավիր» ՔԿՀ-ում կալանավորին տևական ժամանակ խոշտանգել, ապա՝ սպանել են՝ «կանոններ» չպահելու, այդ թվում՝ գիշերն անկողնում միզելու համար, ՔԿՀ -ում նույն խցում են պահել սպանվածի որդուն ու հորը սպանողին
03/06/2023 21:01
Արյունոտ օղակն ամբողջական չէ առ այսօր. Ինչ կապ ուներ Յուզբաշյանի սպանությունը Ղանդիլյանի սպանության հետ
06/17/2022 17:36
Նոտարի աշխատասենյակից հափշտակվել է կնիքը ու աշխատասենյակը հրկիզվել՝ ԵԿՄ Էրեբունու տարածքային բաժանմունքի նախագահ Մանվել Բատիկյանի քավորությամբ. Խարդախությունների մի ամբողջ կծիկի հետքերով
07/20/2020 20:31
Վանաձորում սպանվել է հայտնի ֆիզիկոս Մնացականյանը. Սպանության առիթը՝ 1000 դրամ
ՓԱՍՏԱԹՂԹԵՐ
- 09/27/2024 20:29 Միջպետական սահմանների՝ աշխարհագրական առումով ճշգրտման հարցերը գործադիր իշխանության իրավասության տիրույթում են. հրապարակվել է ՍԴ որոշումը
- 09/02/2024 15:38 Հրատապ. Հրապարակվել է Հայաստանի և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովների համատեղ գործունեության մասին կանոնակարգը
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
Հարցազրույց
- 10/22/2024 20:14 Միշտ ամեն բան ուշացած ենք անում, փոխանակ՝ նույն պահին հակադարձենք․․․
- 10/13/2024 20:44 Որևէ մեկը Անկախության մասին հռչակագիրը այլաբանորեն չէր դիտարկի իբրև իր զավակին խժռող ծնողի, եթե չլիներ Երկիրը խժռելու պատրաստ թշնամու սպառնալիքը
- 10/11/2024 18:53 Ոչ թե ազարբայջանցիները, այլ մենք՝ հայերս ունենք վերադարձի խնդիր ՝ Շահումյանից ու Գետաշենից մինչև Արցախ․․․
- 10/03/2024 12:57 Տարածաշրջանի վրա ազդեցություն ունեցող երկրները պետք է ավելացնեն ճնշումն Ադրբեջանի վրա. Դավիթ Վարդանյան
Մեկնաբանություն
- 12/03/2024 19:01 Ինձ շատ բանում, միգուցե, կարելի է մեղադրել, բայց դիրքերում չլինելու մեջ միայն անմեղսունակները կարող են. Տիգրան Աբրահամյան
- 12/03/2024 15:44 Աշխատանքային օրենսգիրքը երբեք չի այլանդակվել այն աստիճան, որքան Երևանի փոխքաղաքապետի կողմից. Հայրապետյան
- 12/03/2024 15:11 Գործադուլի իրավունքից օգտվելու համար մարդկանց գործից հանելը ոչ մի պարագայում իրավաչափ լինել չի կարող. փաստաբան
- 12/02/2024 18:41 ՀՀ արտգործնախարարությունում ֆորում են անելու ընդդեմ ցեղասպանությունների, հայեցակարգում չկա Հայոց ցեղասպանություն եզրույթը. Դեմոյան
Արխիվ
Արտակարգ պատահարներ
- 12/03/2024 21:23 Ավտովթար՝ Գեղարքունիքի մարզում․ 36-ամյա վարորդը «Opel Astra»-ով դուրս է եկել ճանապարհի երթևեկելի գոտուց և բախվել ծառին․ կան վիրավորներ
- 12/03/2024 15:37 Օգնության են հասել փրկարարները
- 12/03/2024 15:23 Երևանում բազմաթիվ անգամներ կամրջից ցած նետվելու փորձեր կատարած տղամարդն այսօր ընկավ կամրջից
- 12/03/2024 10:39 Սպիտակում տուն է այրվել
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 12/02/2024 16:54 Էլթոն Ջոնը խոստովանել է, որ կուրացել է
- 11/29/2024 22:00 Ուղեւորուհին բողոքել է օդանավակայաններում անմարդկային զննումների դեմ
- 11/29/2024 13:38 Չինացի միլիարդատերը կերել է աճուրդում 6,2 միլիոն դոլարով գնած բանանը
- 11/26/2024 19:59 Էլթոն Ջոնը պատմել է տեսողությունը կորցնելուց հետո կյանքի մասին
Հետաքրքիր է իմանալ
- 11/27/2024 16:59 Մայրը 3 տարի իր աղջիկ երեխային պահել է բազմոցի դարակում
- 11/27/2024 14:50 Մթերք, որը նվազեցնում է իշեմիկ ինսուլտի հավանականությունը
- 11/26/2024 16:48 Մահացել է աշխարհի ամենատարեց տղամարդը. նա ծնվել է «Տիտանիկի» խորտակվելու տարում
- 11/25/2024 13:01 Արեգակի վրա X դասին մոտ հզոր բռնկում է տեղի ունեցել