Փաստ ինֆո

Դատավոր Աննա Դանիբեկյանը չի կարող դատական նիստերի ժամանակ զսպել իր էմոցիաները և ցույց չտալ իր հակակրանքն իմ նկատմամբ։ Այս մասին լրագրողների հետ զրույցում ասաց ՀՀ նախկին փոխվարչապետ, «Հայաստան» խմբակցության ղեկավար Արմեն Գևորգյանի փաստաբան Էրիկ Ալեքսանյանը։ 

«Հերթական անգամ ականատես եղանք դատարանի անարդարության դրսևորմանը։ Ինձ մոտ, անկեղծ ասած, զարմանք արդեն չի առաջացնում տիկին Դանիբեկյանի վարքագիծը և վերաբերմունքն իմ անձի նկատմամբ»,- նշեց Ալեքսանյանը՝ հավելելով, որ դժվար է պատկերացնում, թե ինչպես դատավոր Աննա Դանիբեկյանը կարող է ունենալ իր նկատմամբ բարիդրացիական հարաբերություններ այն դեպքում, երբ իրենք ունեն իրավական վեճ, մինչ օրս պնդում են, որ Աննա Դանիբեկյանը հանցանք է կատարել և պետք է ենթարկվի պատասխանատվության։

Ալեքսանյանը գտնում է, որ դատավոր Աննա Դանիբեկյանի նկատմամբ կան ճնշումներ և հասկանալի չէ, թե որն է ավելի վատ երևույթ՝ այն, որ դատավոր Դանիբեկյանի նկատմամբ կան համապատասխան ճնշումներ և այդ ճնշումների ներքո նա նման վարքագիծ է դրսևորում, թե ավելի վատ է այն, որ անկախ ամեն ինչից Աննա Դանիբեկյանն այդ գործողություններն անում է։ Ալեքսանյանի խոսքով՝ Դանիբեկյանի կազմով օրինական դատարան առկա չէ, խախտում է Արմեն Գևորգյանի արդար դատաքննության իրավունքը։

«Եթե որևէ մեկը կամ որևէ դատավոր կարող է մտածել, որ իմ դեպքում նա կարող է իմ վստահորդի շահերը խախտել, իրավունքները ոտնահարել, ես էլ՝ լռելյայն ձևով համաձայնել, ապա չարաչար սխալվում են»,- նշեց Ալեքսանյանը։

Աղբյուր` Փաստինֆո