Փաստ ինֆո

Գերմանիան պատրաստ է իր դիվանագետներին Քաբուլ վերադարձնել «Թալիբան» արմատական շարժման գրոհայինների կողմից մի շարք պայմանների պահպանման դեպքում: Այս մասին հայտարարել է գերմանիայի արտաքին գործերի նախարար Հայկո Մաասը, հաղորդում է ՌԻԱ նովոստին:

Գլխավոր պայմանների թվում դիվանագետը նշել է գերմանական դիվանագիտական առաքելության աշխատակիցների անվտանգության ապահովումը, ինչպես նաեւ Մարդու իրավունքների պահպանումը եւ ներառական կառավարության ստեղծումը: Նա նաեւ նշել է Աֆղանստանի տարածքում ահաբեկչության դեմ պայքարի շարունակման կարեւորությունը:

Մաասի խոսքով՝ Աֆղանստանին հումանիտար աղետ է սպառնում։ Քաղաքական գործիչն ընդգծել է, որ Բեռլինը պատրաստ է Քաբուլին մարդասիրական օգնություն եւ աջակցություն ցուցաբերել զարգացման գործում՝ նշված պահանջների կատարման դեպքում: «Մենք դա քննարկելու ենք ոչ միայն ԵՄ շրջանակներում, այլեւ ավելի լայն շրջանակում։ Մենք պետք է, եթե ուզում ենք օգնել, դիվանագիտական ներկայություն ունենանք», - եզրափակել է նա։

Աղբյուր` Փաստինֆո