Փաստ ինֆո

ՌԴ ԱԳՆ խոսնակ Մարիա Զախարովան հայտարարել է, որ Մոսկվան դրական ազդակներ է տեսնում Հայաստանի և Թուրքիայի միջև: Հաղորդում է ՏԱՍՍ-ը:

Նա նաև հայտարարել է, որ Մոսկվան պատրաստ է աջակցել Թուրքիային և Հայաստանին՝ հարաբերությունների բարելավման գործում:

«Մենք արձանագրել ենք Երևանի և Անկարայի միջև վերջերս տեղի ունեցած դրական ազդանշանների փոխանակումը, նկատի ունենք այն համատեքստում, որ մենք դրանք տեսել ենք և ի գիտություն ենք ընդունել: Մենք պատրաստ ենք այժմ էլ ամեն կերպ նպաստել երկու հարևան պետությունների մերձեցմանը՝ փոխադարձ հարգանքի հիման վրա և հաշվի առնել միմյանց շահերը»,-ասել է նա:

Ինչպես նշել Է դիվանագետը, երկու երկրների միջեւ հարաբերությունների կարգավորումը կնպաստեր տարածաշրջանում խաղաղության, կայունության և բարգավաճման հաստատմանը, հատկապես հայ-ադրբեջանական հարաբերությունների կարգավորման ֆոնին ՝ Ռուսաստանի, Ադրբեջանի եւ Հայաստանի ղեկավարների կողմից ստորագրված 2020թ.նոյեմբերի 9-ի եւ 2021թ. հունվարի 11-ի հայտարարությունների իրագործման համատեքստում:

Զախարովան հիշեցրել է, որ Ռուսաստանը միշտ հանդես է եկել Հայաստանի եւ Թուրքիայի միջեւ հարաբերությունների բարելավման օգտին և ակտիվ մասնակցություն է ունեցել այդ գործընթացին:

«Ի դեպ, մենք նախկինում անմիջականորեն մասնակցել ենք համապատասխան միջնորդական ջանքերին։ Այսպես մենք նպաստեցինք 2009-ին Ցյուրիխում այսպես կոչված ցյուրիխյան արձանագրությունների ստորագրմանը։ Դրանք ենթադրում էին Հայաստանի և Թուրքիայի միջև հարաբերությունների փուլային բարելավում ՝ առանց նախապայմանների առաջադրման»,- նշել է նա։

ՌԴ ԱԳ ներկայացուցիչը նշել է, որ Ռուսաստանը գործուն և արդյունավետ դերակատարություն է ունեցել ու ցավով է արձանագրել, որ այն նախաձեռնությունները, որոնք ձեռք են բերվել Ռուսաստանի միջնորդությամբ, կողմերի կողմից չեն իրականացվել։ Զախարովայի խոսքով, դա արդեն յուրաքանչյուր պետության կամքն էր։

Աղբյուր` Փաստինֆո