Փաստ ինֆո

«Օրենբուրգի արգելոցներ» դաշնային ծառայության տնօրեն Ռաֆիլ Բակիրովան պատմել է Ռուսաստանի Կարմիր գրքում Պրժևալսկու ձին ընդգրկելու մասին: Նրա խոսքերը փոխանցում է ՌԻԱ Նովոստին:

Պարբերականի տեղեկատվության համաձայն՝ վայրի ձիերի այդ տեսակի ներկայացուցիչները մինչեւ 20-րդ դարի կեսերը բնակվել են Գոբի անապատի Ջունգարյան մասում, սակայն անհետացել են մարդածին ազդեցության հետեւանքով:

Բակիրովան բացատրել է, որ կենդանուն ցուցակում ընդգրկելը չի նշանակում, որ այդ տեսակն ամբողջությամբ անհետացել է. նման որոշումը կապված է ձիերի պահպանման ծրագրի հետ: Հաստատության տնօրենը նշել է, որ այս պահին արգելոցում ապրում է Պրժեւալսկու 69 ձի:

«Այս տարի ծնելիության ռեկորդ ունենք. ծնվել է 15 քուռակ։ 2019 - ին եղել է 11 քուռակ, այս տարի մենք գերազանցել ենք մեր ռեկորդը։ Բոլորը շատ լավ են զգում իրենց։ Մենք արդեն մի քանի ոհմակ ունենք, իսկ այս տարի ձեռքբերում է գրանցվել՝ 9 քուռակներից բաղկացած բնական ամուրի խումբ, որոնք ծնվել և մեծացել են արգելոցի տարածքում», — ասել է նա։

Աղբյուր` Փաստինֆո