Փաստ ինֆո

Գորիսի համայնքապետ Առուշ Առուշանյանը քաղաքական կալանավոր է։ Այս մասին մամուլի ասուլիսին ասաց Սերժ Սրապիոնյանը։

«Դուք բազմիցս ականատես եք եղել, որ այս մարդիկ ինչ-որ մեկին ձերբակալելիս, սկզբում դնում են հանցագործի կնիքը՝ բնութագրելով նրան իբրև թալանչի, իբրև մարդասպան, իբրև գող, ավազակ, հետո ավելացնում են, որ մինչև դատարանի որոշումը՝ այս մարդը հանցագործ չէ։ Ես գնում եմ կառավարության որդեգրած ճանապարհով, դատարանը պետք է որոշի՝ Առուշը քաղաքական կալանավոր է, թե ոչ, բայց, քանի որ նրանց որդեգրած քաղաքականությունը հենց այդպիսին է, հայտարարում եմ՝ Առուշը քաղաքական կալանավոր է » ,- նշեց Սրապիոնյանը։

Նրա դիտարկմամբ՝ երբ արտահերթ ընտրություններում կիրառվեց ողջ վարչական ռեսուրսը, չգիտի, թե էլ ինչ ղալաթներ են արել, միայն Սյունիքում էր, որ հաղթեցին ընդդիմադիր հայացք ունեցող մարդիկ։

Սրապիոնյանը հիշեցրեց նաև Գորիսի փոխքաղաքապետ Իրինա Յոլյանի ձերբակալությունը, որը նրա դիտարկմամբ, ողբերգազավեշտական դրամա էր բեմականացված և անգամ ներողություն չեն հայցել կնոջից, որովհետև մեղադրանք չկարողացան կպցնել այդ կնոջը։

«Տեղի է ունենում քաղաքական վենդետա։ Երբ վարչապետի պաշտոնը զբաղեցնող մարդն ասում է մի բան, պետք է հասկանալ ուղիղ հակառակ բանը։ Երբ նա ասում է, որ պետք է հաշվի նստել նաև ժողովրդի կարծիքի հետ և եթե այդ ժողովրդի կարծիքը չի բռնում Սոթքի կիսագրագետ, հայկական դպրոցն օրը մեջ հաճախած և բաղաձայների ընդամենը կեսը տիրապետող անձի դատողության հետ, որը հայտարարում է, թե Սոթքը հազար տարի իրենցն է (ադրբեջանցիներինը - հեղ) եղել»,- նշեց Սրապիոնյանը։

Աղբյուր` Փաստինֆո