Փաստ ինֆո

Անցյալ շաբաթ Հարավային Աֆրիկայում հայտնաբերված կորոնավիրուսի նոր տարբերակի վերաբերյալ տեղեկությունը մեծ աղմուկ էր բարձրացրել։ Վիրուսը, ըստ երեւույթին, ավելի շատ մուտացված է, քան Առողջապահության համաշխարհային կազմակերպության կողմից նշված որևէ այլ տարբերակ։ Հետաքրքրություն ու մտահոգություն առաջացնող վիրուսը երկրում Covid-19-ի դեպքերի միայն մի փոքր մասն է կազմում և վերջնականապես չի ուսումնասիրվել, թե ինչպես են մուտացիաներն ազդում վիրուսի վարքագծի վրա:

Forbes պարբերականը անդրադարձել է C. 1.2-ի՝ Հարավային Աֆրիկայում տարածված կորոնավիրուսի մուտացված տարբերակին։

C. 1.2. անունը կրող վիրուսի մասին արդեն մանրամասն նկարագրված է Հարավային Աֆրիկայում վարակիչ հիվանդությունների ազգային ինստիտուտի ուսումնասիրություններում։

C. 1. տարբերակը գերակշռում էր կորոնավիրուսի առաջին ալիքի ժամանակ դեռևս անցյալ տարվա մայիսի կեսերին, իսկ C.

1.2. վիրուսը առաջին անգամ հարավաֆրիկյան Մպումալանգա և Գաուտենգ նահանգներում հայտնաբերվել է 2021-ի մայիսին:

Այդ ժամանակից ի վեր այն տարածվել է Հարավային Աֆրիկայի նահանգների մեծ մասում, նաև Եվրոպայի, Ասիայի և մի քանի այլ երկրներում։ Դեռևս սպասում է փորձագիտական գնահատման:

Հետազոտության հեղինակները հայտարարել են, որ մտահոգված են վիրուսի այս տարբերակով, քանի որ այն արագ է մուտացվում։ Այն տարբերվում է Վուհանում հայտնաբերված բուն վիրուսից, 44-ից 59 մուտացիաներից, դարձնելով այն ավելի մուտացված, քան ԱՀԿ-ի կողմից հայտնաբերված ցանկացած այլ վիրուս։

Վարակիչ հիվանդությունների մասնագետ Ռիչարդ Լեսելլսը Reuters-ին հայտնել է, որ C. 1.2-ը կարող է ունենալ ավելի մեծ իմունային համակարգից խուսափելու հատկություններ, քան դելտայի սուպեր-տարածված տարբերակը։

Համաճարակի հետևանքով վիրուսի փոփոխությունները վարակի նոր ալիքներ են առաջացրել: Հարավային Աֆրիկայում տարածված վիրուսը մտահոգություն է առաջացնում, քանի որ հետազոտությունը ցույց է տվել, որ դրա որոշ մուտացիաները կարող են դիմակայել պատվաստանյութի կողմից առաջացած հակամարմինների չեզոքացմանը։

ԱՀԿ-ն հայտնել է, որ կան վիրուսի չորս տարբերակներ, որոնք մտահոգություն են առաջացնում ու ներկայացվում են որպես հետաքրքրություն ներկայացնող տարբերակներ (այս պիտակը տրվում է, երբ վիրուսը հաստատվում է որպես ավելի ծանր կամ փոխանցվող):

Գիտնականներն ու առողջապահության պաշտոնյաներն անհանգստացած են, քանի որ Հարավային Աֆրիկայում վիրուսը արագ տարածում է գտել, նաև այն պատճառով, որ որոշ պատվաստանյութեր ավելի պակաս արդյունավետ են այս տարբերակի դեմ:

Աղբյուր` Փաստինֆո