Փաստ ինֆո

Գործող իշխանության համար Արցախը միշտ բեռ է եղել: Արցախի անկախության օրն իրենց համար չի կարող լինել տոն, բացի այդ ունեն վախ,- «Փաստինֆո»-ի հետ զրույցում նման տեսակետ հայտնեց քաղաքագետ Ալեն Ղևոնդյանը:

Հիշեցնենք, որ այսօր Արցախը տոնում է անկախության 30-ամյակը, պատմության մեջ առաջին անգամ ՀՀ բարձրագույն իշխանության որևէ ներկայացուցիչ այսօր Արցախ չի մեկնել: Արցախ են մեկնել միայն ԱԺ երեք խմբակցությունները պատգամավորները։

Մեզ հետ զրույցում քաղաքագետ Ալեն Ղևոնդյանը սա պայմանավորեց այն հանգամանքով, որ իշխանությունների համար Արցախը երբեք արժեք չի համարվել, այլ եղել է «գլխացավանք».

«Իշխանությունները հետևողականորեն քայլեր են ձեռնարկել, որպեսզի Արցախից ազատվեն, Արցախը նրանց համար մեծ գլխացավանք է եղել և երբևէ չի համարվել արժեք, փորձել են Արցախն արժեք համարող հանրային ընկալումները հեղինակազրկել, փոխել պատմությունը, թշնամու կերպարը մեղմել, խաղաղասիրություն քարոզել այն պարագայում, երբ հակառակորդը զինվում էր: Այս ամենը նախապատրաստում էր մի գործընթաց, որը կոչվելում է Արցախի հանձնումը հակառակորդին»,-ասաց զրուցակիցը:

Քաղաքագետի դիտարկմամբ՝ գործող իշխանությունն երկու անգամ սոցհարցում է իրականացրել՝ ճշտելու հանրային վերաբերմունքը Արցախի հողերի հետ հանձման հետ կապված, որոնք իրականացվել են 2019թ և 2020թթ-ին: «Այս ամենը հետևողականորեն ծրագրված գործընթաց է եղել:

Շատ տրամաբանական է, որ գործող իշխանությունների կողմից բեռ համարվող Արցախի անկախության օրն իրենց համար չի կարող լինել տոն, նրանց չայցելությունը այս առումով շատ տրամաբանական է»,-ասաց Ալեն Ղևոնդյանը:

Վերջինս իշխանության Արցախ չայցելելը պայմանավորեց նաև նրանց վախով.

«Սովորաբար վախը հայտնվում է այն ժամանակ, երբ գիտես, որ ինչ-որ հանցանք ես կատարել, եթե չինովնիկները, սկսած վարչապետից վերջացրած մյուսներով, կարծում են , որ հանցանքի կրող են, հանցանք են իրականացրել Արցախի նկատմամբ, այս դեպքում նրանց մոտ կարող է նաև վախ լինել»,-ասաց քաղաքագետը:

Աղբյուր` Փաստինֆո