Փաստ ինֆո

ԱԺ-ում լարված իրավիճակի, թոհուբոհի ժամանակ դուք շիշն ուղղեցիք գործադիր մարմնի ղեկավարի ուղղությամբ։ Դա միտումնավո՞ր էր, թե՞ ինքնաբուխ որոշեցիք այդ ուղղությամբ շիշ նետել։ ԱԺ պաշտպանության և անվտանգային հարցերի հանձնաժողովի նիստի ժամանակ հանձնաժողովի նախագահ Անդրանիկ Քոչարյանն այս հարցն ուղղեց «Հայաստան» խմբակցության պատգամավոր Արթուր Ղազինյանին։

Արթուր Ղազինյանը նշեց, երբ տեղի ունեցավ էմոցիոնալ առաջին պոռթկումը Սեյրան Օհանյանի կողմից, նա անմիջապես իր տեղից վեր կացավ, որ հասնի գեներալի մոտ.

«Իմ առջև խնդիր էր դրված անմիջապես գտնվել իր կողքին, պաշտպանել։ Երբ աստիճաններով իջնում էի, գլխիս շիշ կպավ։ Եկա, հասա գեներալի մոտ և ինձ հարվածեց երկրորդ շիշը, ընդ որում դեմքով կանգնած էի դեպի ամբիոնը և գտնվում է առաջին շարքում։ Դա հետևից չէր կարող լինել։ Ես առանց նայելու վերցրեցի և նետեցի նույն ուղղությամբ, որտեղից եկել էր։ Հետագայում տեսա, որ շիշը գնացի դեպի Մհեր Գրիգորյանի կողմ, բացարձակ չէի ցանկանա, որովհետև նրան վաղուց ճանաչում եմ։ Առհասարակ կոնկրետ որևէ անձի, սուբյեկտի թիրախավորում չեմ ունեցել, հատկապես, երբ ձեր կողմից նշված մարդն այդտեղ նստած չէր։ Իմ կողմից որևէ անձ, որևէ պաշտոնյա այդ նպատակով չի թիրախավորվել»,-ասաց Արթուր Ղազինյանը՝ հավելելով, որ ընդամենը իրեն ուղղված շիշը հետ է վերադարձվել։

Աղբյուր` Փաստինֆո