Փաստ ինֆո

Գրեթե 11 ամիս է անցել, որդուս մասին տեղեկություն չունեմ։ Երկու անգամ մտել եմ գերագույն գլխավոր դեբիլի մոտ, հարցնում եմ՝ ինչ եք անում, ասում է՝ աշխատում ենք։ Այնպես է պատասխանում, ոնց որ սուրբ հրեշտակ է, բայց բոլորս էլ գիտենք, թե ինքն ով է։ Այս մասին լրագրողների հետ զրույցում ասաց անհետ կորած զինծառայողներից մեկի հայրը՝ Գևորգ Վարդանյանը, որը մյուս ծնողների հետ բողոքի ակցիա է իրականացնում կառավարության շենքի դիմաց։

Անհետ կորած զինվորների ծնողները հանդիպում են պահանջում Փաշինյանի հետ՝ պարզելու, թե ինչ գործողություններ են իրականացվում իրենց որդիներին գտնելու ուղղությամբ, սակայն կառավարությունում ծնողներին հրաժարվել են ընդունել։

Ծնողը նշեց, որ նիստ է ընթանում, իրենց ասել են, որ դեռ նիստից հետո կորոշեն՝ իրենց ընդունեն, թե ոչ։

«Հիմա նիստ են անում, ի՞նչ են որոշում, իրենց աշխատավարձերն էլի բարձրացնե՞ն»,- նշեց անհետ կորած զինվորի ծնողը՝ հավելելով. «Եթե չվախենար, էսքան ոստիկա՞ն կլցներ։ Ումից է վախենում։ Ժողովրդով եկավ, ղեկավար դարձավ, չագուճ է ցույց տալիս։ Ինչ է՝ չագուճով պե՞տք է մեզ վախեցնի։ Հարցնում ենք՝ բա որ քո տղան լիներ, … Բայց իր տղուն փրկելու համար, 100 տոկոս կարող եմ ասել, 1000-ից ավելի զոհ է տվել: Դրա որ մի քաջագործությունն ասեմ»։։

Աղբյուր` Փաստինֆո