Փաստ ինֆո

Գուցեև ընկերուհի ունեցող տղամարդու հայացքը որսալը հաճելի է, բայց, այնուամենայնիվ, թվում է, թե սխալ է։ Ի վերջո, նա, ով հավատարիմ չէ իր ընկերուհուն, հավատարիմ չի լինի և քեզ։

Բայց երբեմն դա այնուամենայնիվ տեղի է ունենում, նույնիսկ այն ժամանակ, երբ դու փորձում ես թաքցնել քո հետաքրքրությունը: Դու փորձում ես նրան ցույց չտալ, որ ամաչում ես, երբ ձեր հայացքները հանդիպում են, չես ուզում, որ նա տեսնի քո համակրանքը։ Դու ինքդ քեզ արդեն մեղավոր ես զգում նրա առջև՝ իր հանդեպ հետաքրքրության համար, բայց չէ որ նա է մեղավոր, թե քեզ ամեն ինչ թվացե՞լ է։

Բանն այն է, որ հաճախ անազատ տղամարդիկ այնքան էլ բացահայտ հետաքրքրություն չեն ցուցաբերում քեզ նկատմամբ։ Նրանք թաքցնում են իրենց մտադրությունները կատակների, զգույշ ակնարկների հետևում։ Բայց ահա թե ինչպես կարելի է բացահայտել նրան:

1. Նրան միշտ հետաքրքրում է քո կարծիքը։

Քո կարծիքը նրան  բոլորից շատ է հետաքրքրում տարբեր հարցերի վերաբերյալ։ Միեւնույն ժամանակ, նա հաճախ համաձայնում է քեզ հետ եւ նույնիսկ կարող է կշտամբել իր ընկերուհուն, որ նա չի հասկանում իրեն:

2. Նա անընդհատ քեզ հաճոյախոսություններ է ասում։

Երբ տղամարդը, հատկապես անազատ տղամարդը, անընդհատ հաճոյախոսություններ է ասում քեզ, նա ցանկանում է, որ դու նկատես, որ նա ուշադրություն է դարձնում քեզ վրա, ընդ որում սովորաբար նա նկատում է մանրամասներ, որոնք չեն նկատում ուրիշները։

3. Նա չի պահպանում ֆիզիկական հեռավորությունը քո նկատմամբ։

Դա նրա մարմնի լեզուն է, նա միշտ փորձում է մի փոքր ավելի մոտ լինել քեզ, իբր պատահաբար դիպչել ձեռքով, օգնել քեզ եւ դիպչել քեզ:

4. Նա պատմում է ձեզ իր խնդիրների մասին:

Ընդ որում, եթե դու հարցնում ես, թե ինչ է իր ընկերուհին մտածում այդ մասին, իսկ նա ասում է, որ դեռ չի պատմել նրան այդ մասին, դա տագնապալի նշան է։ Նա չի էլ թաքցնում, որ դու իր համար ավելի կարևոր ես, քան իր ընկերուհին։

Մեկ այլ նշան՝ երբ նա քեզ բողոքում է իր ընկերուհուց։ Իսկ երբ դու ասում ես, որ ինքը պետք է ամեն ինչ քննարկի նրա հետ, նա շեշտը դնում է այն բանի վրա, որ միայն դու ես իրեն բոլորից լավ հասկանում։

5. Նա հրավիրում է քեզ զբոսանքի, նույնիսկ եթե նա իր ընկերուհու հետ է:

Դա քեզ հետ ավելի շատ շփվելու նրա՝ «առանց կասկածների» ձևն է։ Գուցեև քեզ հաճելի է նման ուշադրությունը, բայց դա անհարգալից վերաբերմունք է նրա ընկերուհու նկատմամբ, որը շատ բան է ասում նրա անձի մասին։

6. Նա երբեք չի հիշատակում իր ընկերուհուն քո ներկայությամբ:

Ասես ուզում է, որ դու ընդհանրապես մոռանաս նրա մասին։ Իսկ երբ հարցնում ես աղջկա մասին, նա պատասխանում է կարճ և նյարդայնացած։

Աղբյուր` Փաստինֆո