Փաստ ինֆո

Երբ Արցախի ու մնացած խնդիրների համար լուծման հարցը վերածվում է քաղբանտարկյալների ազատ արձակման համար պայքարի, ապա կարելի է պնդել, որ գործող իշխանությունը կարողանում է իր օրակարգը թելագրել ու ուշադրությունը շեղել հիմնական խնդրից: Այս մասին ֆեյսբուքում գրել է քաղաքագետ Ստեփան Դանիելյանը.

«Այդ տեխնոլոգիան նախկին իշխանությունն էր օգտագործում, հիմիկվանները դա շարունակում են:

Ինչն է ամենահետաքրքիրը, դա փոխադարձաբար ձեռնտու վիճակ է, եւ ընդդիմությունն է "պայքարում", այսինքն փրկում դեմքը, և գործող իշխանությունն է իր խոստումը կատարում՝ "պայքարում" է նախկինների դեմ։ Իսկ խնդիրները մնում են անպատասխան ու գնալով ավելի են խորանում։

Մենք քաղաքական "ինքնաշարժության" պերմանենտ փուլում ենք, որից ելքը չի երևում։

Հ․Գ․ Եթե իրոք պայքար է, թող մի քանի հատ էլ քաղբանտարկյալ լինի, ինչ խնդիր կա, կարևորն այն է, թե պայքար իրոք կա, թե ոչ։ Իսկ "դեպուտատ-քաղբանտարկյալներն" էլ զիլ է հնչում, լավ ստարտ է պայքարելու համար, նույնիսկ Մանդելան նման հնչող կարգավիճակ չուներ։ Բերդում գրված քաղաքական կոչերն ավելի ազդեցիկ են, քան աշխատասենյակում գրվածները, օգտվեք այդ հնարավորությունից, եթե ասելիք ունեք»։

Աղբյուր` Փաստինֆո